Ni ribeeza Diuxi guni binni guidxilayú
Guendaruundaꞌ diidxaguieꞌ bicaa David.
15
Tata Diuxi,tu laa zanda chuꞌ ndaaniꞌ yuꞌduꞌ roꞌ xtiuꞌ,
tu laa zanda chindeza ndaaniꞌ dani nandxóꞌ xtiuꞌ.
2 Ni nayá si ladxidóꞌ ne runi ni jneza;
ni qué rusiguii ne riníꞌ ni dxandíꞌ ne guidubi ladxidóꞌ;
3 ni qué riníꞌ binni;
ni qué ranináꞌ xhamigu
ne ni qué rulaa diidxaꞌ binni ni dxaaga lidxi;
4 ni riguiñeyú binni nuzaabiꞌ guidiñeyú,
ne rusisaca tu rusisaca Tata Diuxi;
ne rusisaca tu rusisaca xtiidxaꞌ neca nadiiñe nuu;
5 ni rutiiñe bidxichi ne qué ruquixe saca bitiiñeꞌ ni;
ni qué riná gadxe náꞌ, ni qué riná gudxiibaꞌ donda ique binni nayá ladxidóꞌ.
Ni ribani sica riꞌ la? qué ziuu diꞌ dxi guiaba.