Ni riníꞌ binni ra canabaꞌ xiixa
Ni gudixhe xaique xtiꞌ ca binni ruundaꞌ. Guendaruundaꞌ diidxaguieꞌ bicaa David.
13
Tata Diuxi,tica padxí ndiꞌ gusaanuꞌ guxooñeluluꞌ de naa,
maꞌ qué zietenalaꞌdxiꞌrouꞌ naa la?
2 Pa dxi tiꞌ nga maꞌ zanda guianadxi ladxiduáꞌ
de guiuubaꞌ ne chuꞌ naguunduꞌ guidubi dxi.
Pa dxi nga ma guianadxiéꞌ de icayaꞌ yaga
lu náꞌ ni nanalaꞌdxiꞌ naa.
3 Tata Diuxi, lii nga Diuxi xtinneꞌ,
¡biyadxi naa, bicabi naa,
ne biguu stale biaaniꞌ ndaaniꞌ ca guieluáꞌ!
¡Tí qué guiabaꞌ lu xpacaandaꞌ guendaguti!
4 Tí qué guiníꞌ ni nanalaꞌdxiꞌ naa:
«¡Ma gudixhedxiéꞌ laabe!»
¡Tí qué guiechebe pa naa gucheeꞌ!
5 Nannadxiꞌcheꞌ nadxiiluꞌ naa;
ladxiduáꞌ riecheꞌ tí lii rulaluꞌ naa.
6 ¡Zuundaꞌ saa xtiꞌ Tata Diuxi runi guiráꞌ guendanachaꞌhuiꞌ huadiibe naa!