Ndaayaꞌ ni riníꞌ binni tí gacané Diuxi laa
Ni gudixhe xaique xtiꞌ ca binni ruundaꞌ, ra xhidxi yagalé napa xhono doo. Guendaruundaꞌ diidxaguieꞌ bicaa David.
12
Tata Diuxi, bilá laadu,ma huaxiéꞌ nga tu riná guicaa xtiidxaluꞌ,
ma huaxiéꞌ tu nuu nayá ladxidóꞌ.
2 Rusiguii saacaꞌ;
riníꞌ saacaꞌ ne riniꞌcaꞌ diidxaꞌ nacu xhaba.
3 Tata Diuxi guxha laacabe de xcu guxha ca ni riníꞌ binni,
ca ni ruchá guendanaróꞌ xtiꞌ,
4 ca ni riníꞌ:
«Para nga nápadu ruaadu;
nápadu lúdxidu gulá laadu.
Tu ndiꞌ zanda gucaa ridxi laadu.»
5 Ndiꞌ nga ni guníꞌ Tata Diuxi:
«Ca ni qué gapa stipa ne ca ni nazíꞌ xquendanabani
ruxhiicabe laacaꞌ ne rusuguunacabe laacaꞌ.
Ngue runi maꞌ chiguiasaꞌ,
tí gudieeꞌ laacabe guiráꞌ ni canábacabe.»
6 Ca diidxaꞌ rudii Tata Diuxi nayácani;
¡naca cani sica plata,
ni bisunuicabe ndaaniꞌ ti suquii gadxe bieque!
7 Tata Diuxi, lii zápaluꞌ laadu;
¡ne zulaluꞌ laadu lu náꞌ ca binni diꞌ!
8 Ca binni nadxabaꞌ ratiisi nuucaꞌ,
ne guiráꞌ xixé binni ruchá naróꞌ xtiꞌ guendanadxabaꞌ.