Lu xtiidxaꞌ Tata Diuxi nga ricá lú binni
Ni gudixhe xaique xtiꞌ ca binni ruundaꞌ. Ni bicaa David.
11
Naa ruyubeꞌ Tata Diuxi gulá naa.Neca peꞌ gábitu naa:
«Guxooñeluaꞌ casi ti maniꞌ huiiniꞌ zipapa ique dani.
2 Biiyaꞌ ca binni nadxabaꞌ:
naguixhecaꞌ bazandíꞌ xticaꞌ lu doo,
cuzutipacaꞌ baza ne ra nucaachilucaꞌ
rundaacani luguiáꞌ binni nachaꞌhuiꞌ.
3 Ne pa xiixa ni zuhuaa dxiichiꞌ riaba la?
xi zanda guni binni nachaꞌhuiꞌ yaꞌ.»
4 Tata Diuxi nuu ndaaniꞌ yuꞌduꞌ nandxóꞌ xtiꞌ.
Tata Diuxi, napa banguꞌ risaca xtiꞌ guibáꞌ,
zuxaleꞌ ndaga lube cayapadxiichibe binni guidxilayú.
5 Tata Diuxi rundaachiꞌ ca ni nachaꞌhuiꞌ ne ca ni nadxabaꞌ,
ne nanaláꞌdxibe ne guidubi ladxidoꞌbe,
ca ni naquii guendanaxoo.
6 Tata Diuxi zusaba ti nisaguié guí ne guendananá luguiáꞌ ca binni nadxabaꞌ,
ne zedaneni ti bi ni guzaaquiꞌ guiráꞌ xixé.
¡Zusabanáꞌ Tata Diuxi laacabe!
7 Tata Diuxi runi jneza ne nadxiibe ni raca jneza;
¡ngue runi ca ni nayá ladxidóꞌ zuuyacaꞌ lube!