Guendanandxóꞌ xtiꞌ Diuxi ne guendarisaca xti binni
Ni gudixhe xaique xtiꞌ ca binni ruundaꞌ, ra xhidxi yagalé bizáꞌ ca filisteo. Guendaruundaꞌ diidxaguieꞌ bicaa David.
8
Tata Diuxi lii nga Xaique roꞌ xtidu,¡xhianga zaꞌbiꞌ lá ndaayaluꞌ
ndaaniꞌ guidubi naca guidxilayú riꞌ yaꞌ!,
¡guendanandxóꞌ xtiuꞌ ridiꞌdiꞌ lu guidubi guibáꞌ!
2 Ne ca guendariuundaꞌ xtiꞌ ca xcuidi
ne ca baduhuiiniꞌ ni cayadxi,
bicuiluꞌ ti lindaa naguidxi guie
runi ca ni nanalaꞌdxiꞌ lii,
tí gunduuxuꞌ ca binni qué ruzuubaꞌ diidxaꞌ
ne ca ni cucaalú lii.
3 Ra guyadxiéꞌ guibáꞌ ni bizaꞌluꞌ,
ne guuyaꞌ beeu ne ca bele ni bicaaluꞌ luni la?
4 riníꞌ iqueꞌ:
«Tu naca binni,
tu naca miatiꞌ
xiñee rietenalaꞌdxuꞌ laabe, xiñee riuuluꞌ xizaa xtibe.»
5 Bizaꞌluꞌ laabe casi ñácabe ti ángel,
biꞌnuꞌ laabe casi ti bidóꞌ,
gundisuꞌ laabe ne bidiiluꞌ laabe ti guendarisaca.
6 Bidiiu laabe ti guenda lu guiráꞌ xixé ni bizaꞌluꞌ,
ne gulaꞌcuꞌ guirani xañeebe:
7 dendxuꞌ, yuze, ne guiráꞌ ca maniꞌ guiꞌxhiꞌ,
8 ne ca maniꞌ huiiniꞌ ripapa xaguibáꞌ,
ne ca benda nuu ndaaniꞌ nisa,
¡ne guiráꞌ ni nuu ndaaniꞌ nisadóꞌ!
9 Tata Diuxi lii nga Xaique roꞌ xtidu,
¡xhianga zaꞌbiꞌ lá ndaayaluꞌ
ndaaniꞌ guidubi naca guidxilayú riꞌ yaꞌ!