Ndaayaꞌ ni ruundaꞌ binni dxi riuu xizaa
Ni gudixhe xaique xtiꞌ ca binni ruundaꞌ, ra xhidxi yagalé napa xhono doo. Guendaruundaꞌ diidxaguieꞌ bicaa David.
6
Tata Diuxi, cadi tindeneuꞌ naa pa cadxiichuꞌ,cadi guninaluꞌ naa ne xiana xtiuꞌ.
2 Tata Diuxi, bilaselaꞌdxiꞌ naa qué gapadiáꞌ stipa.
Tata Diuxi, bidxiguetaꞌ guendanazaaca xtinneꞌ,
guidubi ladeꞌ cayacaditi.
3 ¡Cadxibeꞌ, cayacadiꞌteꞌ!
Padxí gucábiluꞌ naa tata Diuxi.
4 Gudáꞌ Tata Diuxi, ¡bilá guendanabani xtinneꞌ!,
¡bilá naa ne guendaranaxhii xtiuꞌ!
5 Huaxa gueꞌtuꞌ qué zietenalaꞌdxiꞌ lii;
tuu ndiꞌ guundaꞌ ca ndaayaꞌ xtiuꞌ ndaaniꞌ baꞌ.
6 Maꞌ bidxagaꞌ guunaꞌ;
nabé ruunaꞌ xhaataꞌ lu gueelaꞌ
dede rugadxeꞌ bicuuguꞌa lari ruguaa xa iqueꞌ.
7 Richuunduꞌ luáꞌ ne guiráꞌ yuubaꞌ riꞌ;
¡richuunduni runi xtonda guiráꞌ ni nanalaꞌdxiꞌ naa!
8 ¡Laguixaleꞌ cueeꞌ binni qué guiquiiñecaꞌ,
Tata Diuxi maꞌ bicaadiaga guiráꞌ guendaruunazíꞌ xtinneꞌ!
9 Tata Diuxi maꞌ bicaadiaga guiráꞌ ni gunabaꞌ laa,
¡Tata Diuxi maꞌ gucuaa guiráꞌ diidxaꞌ ndaayaꞌ xtinneꞌ!
10 Guiráꞌ ca ni nanalaꞌdxiꞌ naa zati dxiibicaꞌ,
zácacaꞌ xcaaniꞌ;
¡zabisácaꞌ ne zuxhooñeꞌ xtuícaꞌ!