Nabé ricá luáꞌ Diuxi
Ni gudixhe xaique xtiꞌ ca binni ruundaꞌ, ra xhidxi ca yagalé. Guendaruundaꞌ diidxaguieꞌ bicaa David.
4
Diuxi xtinneꞌ,¡bicabi naa dxi cuidxeꞌ lii!,
purtiꞌ lii, rulaluꞌ naa,
¡bicaadiaga ca xtiidxaꞌ ne bilaselaꞌdxiꞌ naa!
2 Laatu ca ni ruchatu guendanaróꞌ xtitu ne riniꞌtu nacatu binni risaca,
pa dxi gusaanatu quiñeyutu naa,
pa dxi ndiꞌ ná xpiaanitu gusaanatu guinabaláꞌdxituꞌ,
ne guyúbitu ni cadi jneza ne ni cadi dxandíꞌ.
3 Naquiiñeꞌ gannatu jma ranaxhii tata Diuxi nga ca ni ruzuuba xtiidxaꞌ;
laganna ra guinieniáꞌ laabe rucaadiagabe naa.
4 ¡Laguidxibi ne cadi gucheerutu!
Ra maꞌ nexhetu lacuaquidxiꞌ xpiaanitu,
ne laguuyaꞌ xi bíꞌnitu;
5 Lagusigaꞌdeꞌ tata Diuxi ti xixaꞌ ni jma nayá,
ne lasá nanda lu xtiidxabe.
6 Stale nga tu riníꞌ:
«Tu laa zanda guluíꞌ laanu guendanayecheꞌ.»
¡Tata Diuxi, biiyaꞌ dxichi laadu ne guendaranaxhii!
7 Lii huasiécheluꞌ ladxiduáꞌ lade ca ni jma napa ni go ne ni gueꞌ.
8 Casi peꞌ gataꞌ maca gucuá bacaandaꞌ naa,
tí lii Tata Diuxi nannadxicheꞌ cayápaluꞌ naa.