Lii nga xiiñeꞌ
2
Xiñee ndaꞌ raca yaya ca guidxi ni qué runibiáꞌ Diuxi yaꞌ.Xiñee ndaꞌ riníꞌ xtiidxacaꞌ ne qué gánnacaꞌ xi chigúnicaꞌ.
2 Ca xaique xtiꞌ ca guidxi ca riasacaꞌ
ne racacaꞌ tobi si rucaalucaꞌ tata Diuxi,
ne rucaalucaꞌ xaique ni gulibe.
3 Ruguaꞌcaꞌ ridxi:
«¡Gáxhanu guiibaꞌ ni nundiibinebe laanu riꞌ!
¡Tí guixádxenu lu nabe!»
4 Tata Diuxi ni naca xaique guibáꞌ,
ruxidxi laacabe;
5 racá ruꞌ ridxiichi, ruchibi laacabe;
ne stale xiana rabi laacabe:
6 «Maꞌ guluaaꞌ ndaayaꞌ ni naca xaique xtiꞌ Sión,
dani nandxóꞌ xtinneꞌ.»
7 Chiguzeeteꞌ ni chiguni tata Diuxi.
Laabe gúdxibe naa:
«Lii nga xiiñeꞌ;
naa nga bidieeꞌ lii guendanabani.
8 Gunabaꞌ naa gudieeꞌ lii guiráꞌ xixé guidxi ni nuu ndaaniꞌ guidxilayú,
ne naa zudieeꞌ cani lii, neca peꞌ ñuucani ra jma nagaꞌchiꞌ.
9 Ne ti yagadóꞌa zunideluꞌ ca xaique xtiꞌ ca guidxi ca;
¡casi raca dé guisu yu!»
10 Guiráꞌ xixé xaique nuu guidxilayú,
nahuiiniꞌ naróꞌ, laguiene,
¡laguiziidiꞌ ni ná ca diidxaꞌ riꞌ!
11-12 Lagusuxibi neza lu tata Diuxi ne lagusisaca laabe;
dede gacadítitu guindete íquetu neza lube;
cadi mala si guidxiichibe
ne lu neza zetu ca gátitu,
tí laabe nagueenda ridxiichibe.
¡Nayecheꞌ ribani ca ni ruyubi gulabe laacaꞌ!