Guendaruundaꞌ diidxaguieꞌ xtiꞌ Diuxi
SALMOS
Guendanayecheꞌ ni dxandíꞌ
1
Aque nayecheꞌ nga riuu binni ni qué huacaa xtiidxaꞌ ca ni nuaꞌ donda,ne qué huayenandaca xneza ca ni nuaꞌ donda,
ne qué ridxaagacaꞌ ca ni ruxidxi xtiidxaꞌ Diuxi.
2 Binni nayecheꞌ ranaxhii xtiidxaꞌ Diuxi,
ne riníꞌ ique lu diidxaꞌ diꞌ dxi ne gueelaꞌ.
3 Binni diꞌ, zedagaca casi ti yaga,
zuhuaa ruaa guiiguꞌ,
rudii cuananaxhi ra ganda xhi,
ne qué ziuu diꞌ dxi igundúꞌ ca xpandaga.
¡Guiráꞌ ni gúnibe, zareeni laabe jneza!
4 Ca binni nadxabaꞌ la? qué rizaacacaꞌ sica riꞌ,
laaca zedagacacaꞌ casi ti guixi bandaga riné bi.
5 Ngue runi dxi Diuxi quixhebiáꞌ binni guidxilayú,
zudxiibaꞌ donda ique ca ni qué guiquiiñeꞌ,
ne qué ziuudicaꞌ ra nuu ca binni nachaꞌhuiꞌ.
6 Xneza si xtiꞌ ca binni nachaꞌhuiꞌ nga rapa Diuxi;
ngue runi xneza ca binni nadxabaꞌ la?
zineni laacaꞌ lu guendarinitilú.