Davidi wɛ-loro zǝnǝ ŋwaanɩ
70
Amʋ Tu Baŋa-Wɛ, kɩ lɩlan ba n joŋi-nɩ n yagɩ!
Ba n zəni-nɩ lɩla.
2 Kʋ na yɩ balʋ na beeri amʋ tʋʋnɩ tɩn,
pa vuvugə yi-ba sɩ ba tʋ tɩga nɩ.
Pa balʋ maama na beeri amʋ cɔgɩm tɩn
joori kwaga dɩ ba cavɩɩra yam.
3 Sɛ sɩ bantʋ dwi dɩm maama
tʋ tɩga nɩ,
ba na tɛ ba wɩ:
ba jɩŋa zʋ amʋ tɩn ŋwaanɩ.
4 Kʋ daarɩ balʋ maama
na beeri nmʋ je tɩn,
pa ba taa jɩgɩ wʋpolo,
sɩ ba di ywəəni nmʋ ŋwaanɩ.
Ta pa balʋ na soe
sɩ n ta n joŋi-ba tɩn
taa tɛ maŋa maama nɩ:
«Dɩ́ wʋ́ zǝŋi Wɛ yɩrɩ dɩm wɛɛnɩ.»
5 Amʋ nan yɩ nabwəm mʋ
yɩ yinigə jɩgɩ-nɩ.
Amʋ Tu Baŋa-Wɛ,
kɩ lɩla n ba n zəni-nɩ.
Nmʋ mʋ yɩ a zənnu dɩ a vɩrnʋ.
Yɩ daanɩ sɩ n ba n wǝli-nɩ!