Zobi Tɔnɔ
Zobi Tɔnɔ kʋm nuŋi kʋ daanɩ. Zobi dɛɛn yɩ nɔn-ŋʋm mʋ dɩ nadum cɩga cɩga. Tɔnɔ kʋm tɛ kʋ brɩ o na nɛ yaara zanzan te yɩ o wʋ dʋlɩ o cɩga dɩ Wɛ o yagɩ tɩn mʋ. Wɛ yagɩ cwǝŋǝ DƖ pa Sʋtaanɩ sɩ o maŋɩ Zobi o nii. Zobi ma ga o biə maama, dɩ o jɩŋa jɩjɩgɩrʋ maama, yɩ yawɩɩrʋ ta yi‑o zanzan. O badonnǝ ma ba o te yɩ ba bʋŋɩ sɩ ba zən‑o. Ba nan kwaanɩ sɩ ba pa o sɛ wɩ: Wɛ mʋ jɩg-o DƖ waara o lwarɩm dɩm ŋwaanɩ. Bantʋ nan ya yǝri Wɛ na jɩgɩ kʋlʋ DƖ tʋŋɩ Zobi yɩra nɩ tɩn mʋ pa ba ta kʋntʋ. Kʋntʋ ŋwaanɩ ba brɩ ba wʋ wǝli Zobi kɔtaa. Zobi warɩ sɩ o sɛ nɩ: Wɛ jɩgɩ cwǝŋǝ sɩ DƖ waar‑o kʋntʋ doŋ. Kʋ kweelim nɩ tɩn, Wɛ tɩtɩ mʋ ŋɔɔnɩ dɩ Zobi. Zobi laan ma maanɩ nɩ o sɩɩnɩ o yǝri wo-kɩnkagɩla yalʋ Wɛ na jɩgɩ DƖ kɩ tɩn. Kʋ ma pa o sɛ nɩ o ŋɔɔnɩ wo-jwəəru o ni nɩ. Wɛ ma kwe Zobi dɩ o badonnǝ bam lwarɩm o cɛ-ba.