Pɛ Asuerusi dɩdaanɩ Mardose na yɩ nɔn-yum te tɩn
10
Pɛ Asuerusi dɛɛn fɩn nɔɔna balʋ maama na zʋʋrɩ o paarɩ dim laŋa kam wʋnɩ tɩn sɩ ba taa ŋwɩ lampoo ba pa‑o,a kʋ na maŋɩ kʋ yɩ balʋ na zʋʋrɩ nɩnɩʋ ni yigə yigə seeni tɩn dɩ. 2 Pɛ wʋm dɛɛn nan na mɛ o dam o kɩ wo-kamunə yalʋ maama tɩn, kʋ wǝli dɩ o dɛɛn na zǝŋi Mardose wɛɛnɩ pa o di dam baŋa te tɩn, mʋ ba pʋpʋnɩ tɩ maama ba kɩ Mɛdɩ dɩ Pɛrsɩ pwa yɩra cɩbarɩ twannʋ tɩm wʋnɩ. 3 Mardose dɛɛn yɩ Zwifǝ tu mʋ. O dɛɛn nan jɩgɩ dam o saŋɩ Pɛ Asuerusi yɩranɩ kwaga mʋ. O maa jɩgɩ yɩrɩ o dwe Zwifǝ tiinə bam maama. O donnǝ Zwifǝ tiinə bam dɛɛn maa tiini ba nɩg-o, o na tʋŋɩ o wǝli-ba, yɩ o daarɩ o beeri ba dɩ ba dwi dɩm yazurə tɩn ŋwaanɩ.