Zuda dwi dɩm tɩga kam
15
Ba dɛɛn na kuri tɩga kalʋ ba pa Zuda dwi dɩm tɩn tʋlɩ ka tu jagwiə seeni mʋ ka tɔgɩ Edɔm sisəm dɩm ka vu ka yi Zin kagʋa kam mʋ.2 Ba tɩga kam jagwiə seeni puli Yɛ nɩnɩʋ kʋma jagwiə nabili seeni mʋ. 3 Ka ma vu ka lɛɛnɩ Nɔŋɔ zwǝǝnu cwǝŋǝ kam jagwiə seeni ka kɛ ka yi Zin kagʋa kam nɩ. Ka ta maa ve Kadese-Baranɩa jagwiə seeni kʋntʋ, ka daarɩ ka yi Esrɔm nɩ. Ka laan ma din Adara nɩ ka pipiri ka yɔɔrɩ Karaka seeni. 4 Ka ma zɩgɩ dáanɩ ka tɔgɩ Azɩmon nɩ, ka tʋlɩ taa ka yi Ezipi bu-tʋla kam, yɩ ka laan vu ka kweeli Mediterane nɩnɩʋ kʋm ni nɩ mʋ. Zuda dwi dɩm tɩga kam jagwiə seeni sisəm mʋ kʋntʋ.
5 Kʋ daarɩ ba tɩga kam wa-puli seeni sisəm dɩm wʋ́ taa tʋlɩ Yɛ nɩnɩʋ kʋm ni dɩm mʋ kʋntʋ, sɩ ka vu ka yi Zʋrdɛn bugə kam ni dɩm nɩ. Jazɩm baŋa seeni sisəm dɩm dɩ maa wʋ́ puli je sɩm kʋntʋ nɩ, Zʋrdɛn bugə kam na zʋ Yɛ nɩnɩʋ kʋm mɛ tɩn, 6 yɩ ka laan vu ka yi Bɛtɩ-Hogɩla. Ka ta ma tɔgɩ Bɛtɩ-Araba jazɩm baŋa seeni ka kɛ ka yi Bohan Kandwɛ dɩm. Bohan dɛɛn yɩ Ruban bu mʋ. 7 Ka na zɩgɩ daanɩ tɩn, ka laan ma kwe Akɔɔrɩ bolo kʋm, ka yi Debiri nɩ, ka daarɩ ka pipiri jazɩm baŋa seeni ka di Giligalɩ nɩ. Giligalɩ dɛɛn yɔɔrɩ Adumim zɔŋɔ kʋm na wʋ bolo kʋm jagwiə seeni tɩn. Kʋ na zɩgɩ dáanɩ tɩn, sisəm dɩm laan ma kɛ dɩ yi En-Sɩmesa buli-yiə yam nɩ mʋ, sɩ ka yi En-Rogelɩ. 8 Sisəm dɩm ta tʋlɩ dɩ tɔgɩ Bɛn-Hinom bolo kʋm nɩ mʋ, sɩ kʋ taa ve Yebusi tiinə tɩʋ kʋm zoŋo kʋm jagwiə seeni. Zeruzalɛm mʋ kʋntʋ. Dɩ daa ta ma kɛ dɩ din jazɩm baŋa seeni sɩ kʋ maŋɩ dɩ Hinom bolo kʋm wa-zʋʋrɩ dɩm seeni, Refayim bolo kʋm jazɩm baŋa seeni na kweeli mɛ tɩn mʋ. 9 Ka zɩgɩ zoŋo kʋm baŋa nɩ ka vu ka yi Nefatʋa buli-yiə yam nɩ mʋ, sɩ ka yi tɩɩnɩ dɩlʋ na wʋ Efrɔn Piu kʋm təŋə nɩ tɩn. Ka daa ma gugwǝli ka yɔɔrɩ Baala seeni. (Kiriaf-Jeerim mʋ kʋntʋ.) 10 Ba tɩga kam na kwe Baala wa-zʋʋrɩ seeni tɩn, ka vu ka tɔgɩ Seyiri Piu kʋm mʋ, ka vu ka yi Jeerim piu zɔŋɔ kʋm. (Kesalɔn mʋ kʋntʋ.) Ka laan ma tu ka vu Bɛtɩ-Sɩmesa tɩʋ kʋm, ka daarɩ ka tɔgɩ Timna seeni ka kɛ. 11 Sisəm dɩm ta kɛ dɩ vu zoŋo kʋlʋ na wʋ Ekoron jazɩm baŋa seeni tɩn mʋ, dɩ pipiri dɩ yɔɔrɩ Sikeron dɩ daarɩ dɩ kɛ dɩ gaalɩ Baala piu kʋm. Dɩ ma yi Yabenelɩ tɩʋ kʋm nɩ, yɩ dɩ vu dɩ kweeli Mediterane nɩnɩʋ kʋm nɩ.
12 Zuda dwi dɩm tɩga kam wa-zʋʋrɩ seeni sisəm dɩm mʋ dɛɛn yɩ Mediterane nɩnɩʋ kʋm ni dɩm. Zuda sɔ-yuni tɩm maama dɛɛn zʋʋrɩ sisənə yantʋ wʋnɩ mʋ.b
13 Baŋa-Wɛ dɛɛn ya pɛ Zozwe ni mʋ sɩ o fɔ Zuda laŋa kam wʋnɩ o pa Yefune bu Kalɛbɩ. Zozwe dɩ ma sɩɩnɩ o kɩ kʋntʋ. Ba dɛɛn kwe Ebrɔn mʋ ba pa‑o. Tɩʋ kʋm kʋntʋ ya yɩ Araba nyɩm mʋ. Wʋntʋ maa yɩ Anakɩ tiinə nabaarʋ. 14 Kalɛbɩ dɛɛn ma zəli Anakɩ dwiə yatɔ yam na wʋ Ebrɔn nɩ tɩn, o daarɩ je sɩm kʋntʋ. Bantʋ dɛɛn mʋ yɩ: Sesayi, Ahiman, dɩdaanɩ Taliməyi. 15 Kʋntʋ kwaga nɩ tɩn, o ve o kɩ najara mʋ dɩdaanɩ Debiri tɩʋ kʋm tiinə. (Pulim nɩ tɩn, tɩʋ kʋm kʋntʋ yɩrɩ dɛɛn mʋ yɩ Kiriati-Sɩferɩ.) 16 Kalɛbɩ dɛɛn ma ta o wɩ: «Amʋ wʋ́ kwe a bukɔ Akisa a pa nɔɔnʋ wʋlʋ maama na wʋ́ wanɩ o vu o kɩ najara dɩdaanɩ Kiriati-Sɩferɩ tiinə bam yɩ o wanɩ-ba tɩn.» 17 Kenazɩ bu Ɔtiniyɛlɩ dɛɛn ma vu o kɩ najara yam, yɩ o wanɩ tɩʋ kʋm nɔɔna bam.c Kenazɩ dɩ dɛɛn yɩ Kalɛbɩ cʋrʋ mʋ. O ma kwe o bukɔ Akisa o pa Ɔtiniyɛlɩ, sɩ o di o ma o ji o kaanɩ.
18 Kadri dɩm maŋa kam nɩ mʋ, o tagɩ dɩ o barʋ wʋm sɩ ba beeri tɩga ba joŋi o ko wʋm tee nɩ. O dɛɛn ma di bɩnaga o vu o tu o ko yigə nɩ, yɩ o ko bwe‑o o wɩ: «Bɛɛ mʋ nmʋ lagɩ sɩ a kɩ a pa‑m?» 19 Akisa ma lǝr-o o wɩ: «A loori sɩ n kɩ-nɩ zaanɩ mʋ. Nmʋ na pɛ-nɩ tɩga kalʋ tɩn yɩ kagʋa yɩranɩ mʋ. Kʋntʋ tɩn, a lagɩ mɛ na na buri tɩn mʋ sɩ n kwe n pa-nɩ.» Kalɛbɩ ma beeri buli-yiə je o pa‑o, jazɩm baŋa seeni dɩ jagwiə seeni maama.
20 Tɩga kantʋ mʋ ba dɛɛn pɛ Zuda dwi dɩm, dwi maama dɩ kʋ nyɩm.
21 Tɩɩnɩ dɩntʋ dɛɛn wʋ jagwiə seeni mʋ, dɩ na batwarɩ dɩ Edɔm sisəm dɩm tɩn:
Kabezɩlɩ, dɩ Edɛrɩ, dɩ Yaguri, 22 dɩ Kina, dɩ Dimona, dɩ Adada, 23 dɩ Kedɛsɩ, dɩ Hazora, dɩ Itanan, 24 dɩ Zifi, dɩ Telem, dɩ Bealɔtɩ, 25 dɩ Hazora-Hadata, dɩ Keriotɩ-Hezeron (Hazora mʋ kʋntʋ), 26 dɩ Amam, dɩ Sema, dɩ Molada, 27 dɩ Hazara-Gada, dɩ Hesemon, dɩ Bɛtɩ-Peleta, 28 dɩ Hazara-Suali, dɩ Bɛɛr-Seba, dɩ Biziotia, 29 dɩ Baala, dɩ Iyim, dɩ Ezem, 30 dɩ Eletolada, dɩ Kesili, dɩ Horama, 31 dɩ Zikalagɩ, dɩ Madamana, dɩ Sansana, 32 dɩ Lebaotɩ, dɩ Silimi, dɩ Ayin, dɩdaanɩ Rimɔn.
Dɩ dɛɛn yɩ tɩɩnɩ fiinle-nʋgʋ mʋ dɩ dɩ tɩ-balwa yam maama.
33 Tɩɩnɩ dɩntʋ dɩ maa wʋ wa-zʋʋrɩ bwəəlu tɩm seeni mʋ:
Esatola, dɩ Zʋra, dɩ Asena, 34 dɩ Zanoa, dɩ En-Ganim, dɩ Tapua, dɩ Enam, 35 dɩ Yarmuti, dɩ Adulamɩ, dɩ Soko, dɩ Azeka, 36 dɩ Saarayim, dɩ Aditayim, dɩ Gedɩra, dɩdaanɩ Gederotayim.
Dɩ yɩ tɩɩnɩ fugə-dɩna mʋ, dɩdaanɩ dɩ tɩ-balwa yam.
37 Tɩɩnɩ dɩntʋ dɩ ta wǝli da mʋ:
Zenan, dɩ Adasa, dɩ Migadal-Gad, 38 dɩ Dilean, dɩ Mitspa, dɩ Yoktɛlɩ, 39 dɩ Lakisi, dɩ Bozekatɩ, dɩ Egilon, 40 dɩ Kabon, dɩ Laamasa, dɩ Kitilisi, 41 dɩ Gederɔtɩ, dɩ Bɛtɩ-Dagon, dɩ Naama, dɩ Makeda.
Tɩɩnɩ fugə-dɩrdʋ mʋ kʋntʋ, dɩ dɩ nawuurə yam.
42 Tɩɩnɩ dɩntʋ dɩ ta wʋra:
Libina, dɩ Etɛɛrɩ, dɩ Asan, 43 dɩ Ifata, dɩ Asena, dɩ Neziba, 44 dɩ Keyila, dɩ Akisiba, dɩdaanɩ Maresa.
Dɩntʋ yɩ tɩɩnɩ nʋgʋ mʋ, dɩ dɩ nawuurə yam.
45 Ekoron dɩdaanɩ kʋ tɩ-balwa bam dɩ kʋ nawuurə yam maama.
46 Kʋ na zɩgɩ Ekoron nɩ sɩ kʋ tɔgɩ wa-zʋʋrɩ seeni:
tɩɩnɩ dɩlʋ maama na bwələ dɩ Asedodi tɩn, 47 Asedodi, dɩ Gaza, dɩ dɩ tɩ-balwa, dɩ dɩ nawuurə yam maama, sɩ kʋ ta tu Ezipi bu-tʋla kam, kʋ vu kʋ tʋlɩ Mediterane nɩnɩʋ kʋm ni.
48 Kʋ na maŋɩ dɩdaanɩ pweeru laŋa kam tɩn, tɩɩnɩ dɩntʋ mʋ wʋra:
Samiri, dɩ Yatira, dɩ Soko, 49 dɩ Dana, dɩ Kiriatɩ-Sana (Debiri mʋ kʋntʋ), 50 dɩ Anabɩ, dɩ Esɩtemo, dɩ Anim, 51 dɩ Gozɛnɩ, dɩ Holon, dɩ Giloo.
Tɩɩnɩ fugə-dɩdʋa mʋ kʋntʋ, dɩ dɩ nawuurə yam maama.
52 Arabɩ, dɩ Duma, dɩ Esan, 53 dɩ Yanim, dɩ Bɛtɩ-Tapua, dɩ Afɛkɩ, 54 dɩ Humata, dɩ Ebrɔn, dɩ Kiriat-Arba tɩʋ kʋm, kʋ yɩrɩ dɩdoŋ ta mʋ yɩ Ebrɔn, dɩ Siɔrɩ tɩʋ kʋm. Dɩ maama yɩ tɩɩnɩ nʋgʋ mʋ, kʋ wəli dɩ dɩ nawuurə yam.
55 Maon, dɩ Karmɛlɩ, dɩ Zifi, dɩ Yuta, 56 dɩ Zizreyɛlɩ, dɩ Yokadeam, dɩ Zanoa, 57 dɩ Kayin, dɩ Gibea, dɩ Timna.
Dɩntʋ dɩ yɩ tɩɩnɩ fugə mʋ, dɩ dɩ nawuurə yam.
Tɩɩnɩ dɩrdʋ mʋ kʋntʋ, dɩ dɩ nawuurə yam.
60 Kiriatɩ-Baal (Kiriaf-Jeerim mʋ kʋntʋ), dɩdaanɩ Raba.
Dɩ yɩ tɩɩnɩ dɩle mʋ, dɩdaanɩ dɩ nawuurə yam.
61 Ba laŋa kalʋ na wʋ kagʋa kam seeni tɩn, tɩɩnɩ dɩntʋ dɩ maa wʋra:
Dɩntʋ dɩ maa yɩ tɩɩnɩ dɩrdʋ, dɩ dɩ nawuurə yam.
63 Yebusi tiinə bam dɛɛn zʋʋrɩ Zeruzalɛm nɩ mʋ. Zuda tiinə bam nan wʋ wanɩ-ba ba zəli. Yebusi tiinə bam dɩdaanɩ Zuda tiinə bam maa zʋʋrɩ daanɩ dɩ zɩm maama.d