Sarɩya-dirə Tɔnɔ
Wɛ dɛɛn wʋ kɩ DƖ wʋbʋŋa nɩ sɩ DƖ nɔɔna Yisɩrayɛlɩ tiinə bam taa jɩgɩ pɛ, nɩ tɩɩnɩ dɩdonnǝ dɩm na gilimi-ba na yɩ te tɩn, bɛŋwaanɩ Dɩntʋ tɩtɩ mʋ yɩ ba Pɛ dɩ ba Vrɩnʋ. Yisɩrayɛlɩ tiinə bam nan yǝni ba ba jɩgɩ cɩga dɩ Baŋa-Wɛ maŋa zanzan wʋnɩ. Ba dɛɛn maa na nuŋi Wɛ kwaga nɩ, DƖ dɩ yǝni DƖ yagɩ cwǝŋǝ sɩ tɩɩnɩ dɩdonnǝ dɩm jeeri-ba dɩ najara mʋ. Cam na yi-ba kʋntʋ tɩn, Wɛ nɔɔna bam yǝni ba kaasɩ ba loori-DƖ sɩ DƖ zǝni-ba. Wɛ dɩ ma yǝni DƖ tʋŋɩ yigə tu mʋ sɩ kʋ tu joŋi-ba o yagɩ ba dʋna jɩŋa nɩ, yɩ o daarɩ o pa ba joori ba tʋ cwə-laa wʋnɩ ba taa veǝ. Yigə tu wʋm kʋntʋ nan na yɔɔrɩ o tɩ, ba ba daana dɩ ba daa na swe Baŋa-Wɛ dɩ DƖ kikiə yam swiə. Dɩ kʋntʋ maama dɩ, Wɛ ta yǝni DƖ jɩgɩ cɩga dɩ ba mʋ, yɩ ba na pipiri ba ba DƖ te ba lagɩ zǝnǝ, DƖ sɛ sɩ DƖ daa joori DƖ joŋi-ba DƖ yagɩ.