Pwa balʋ Yisɩrayɛlɩ tiinə bam na wanɩ tɩn
12
Moyisi ya ta na wʋ tɩgɩ tɩn, Yisɩrayɛlɩ tiinə bam maŋɩ ba di pwa bale balʋ na zʋʋrɩ Zʋrdɛn bugə kam wa-puli seeni tɩn. Ba dɛɛn gʋ-ba mʋ yɩ ba daarɩ ba joŋi ba tɩga kam ba te. Ba tɩga kam zɩgɩ Aranon bolo kʋm nɩ mʋ, ka laan tɔgɩ Zʋrdɛn bugə kam wa-puli seeni ka di jazɩm baŋa seeni ka yi Hɛrmɔn Piu kʋm.2 Dayigǝ pɛ wʋm yɩ Amɔɔrɩ tiinə pɛ Sɩhɔn, o dɛɛn na zʋʋrɩ Hesebon wʋnɩ tɩn mʋ. O paarɩ laŋa kam zɩgɩ Aroyɛrɩ na wʋ Aranon bolo kʋm ni nɩ tɩn mʋ ka yi Yabɔkɩ bugə kam.a Bugə kam kʋntʋ dɛɛn mʋ yɩ Amɔn tiinə bam sisəm. Tɩʋ kʋlʋ na wʋ Aranon bolo kʋm tɩtarɩ nɩ tɩn, kʋ wǝli dɩ Galadɩ tɩga kam cicoro tɔgɩ tɩ wʋ laŋa kam wʋnɩ. 3 Pɛ Sɩhɔn laŋa kam ya ta ma zɩgɩ Galile nɩnɩʋ kʋm jagwiə seeni ka tɔgɩ Zʋrdɛn bugə kam wa-puli seeni, ka vu ka yi Araba nɩnɩʋ kʋm. Yɛ nɩnɩʋ kʋm mʋ kʋntʋ.b O tɩga kam ta ma yi Bɛt-Yesimɔtɩ, sɩ ka laan ta tu jagwiə seeni ka yi Pisiga piu kʋm təŋə.
4 Moyisi dɩ o nɔɔna bam dɛɛn ta ma di Basan tɩʋ Pɛ Ɔgɩ. Wʋntʋ dɛɛn mʋ kweeli Refayim tiinə bam jɩŋa nɩ. O dɛɛn jɩgɩ o paarɩ dɩm o di Asetaro dɩdaanɩ Ederi tɩɩnɩ dɩm nɩ mʋ. 5 Je sɩntʋ maama dɛɛn mʋ yɩ o paarɩ dim laŋa kam: Hɛrmɔn Piu kʋm, dɩ Salɛka, dɩdaanɩ Basan laŋa kam maama na ve ka yi Gesuri tiinə dɩ Maaka tiinə laŋa sisəm dɩm na wʋ wa-zʋʋrɩ seeni tɩn. O dɛɛn ta ma te Galadɩ cicoro kʋlʋ na wʋ jazɩm baŋa seeni tɩn. O paarɩ laŋa kam dɛɛn kɛ ka yi Hesebon Pɛ Sɩhɔn laŋa sisəm dɩm.
6 Baŋa-Wɛ tɩntʋŋnʋ Moyisi dɩdaanɩ Yisɩrayɛlɩ tiinə bam dɛɛn mʋ wanɩ pwa bale bam kʋntʋ. O ma kwe ba tɩga kam o pɔɔrɩ pɔɔrɩ o pa Ruban dwi dɩm, dɩ Gadɩ dwi dɩm, kʋ wǝli dɩdaanɩ Manasɩ dwi dɩm cicoro, sɩ ba taa te.
7 Kʋ maa na yɩ pwa balʋ na zʋʋrɩ Zʋrdɛn bugə kam wa-zʋʋrɩ seeni tɩn, Zozwe dɩ Yisɩrayɛlɩ tiinə bam dɛɛn mʋ wanɩ bantʋ. Ba laŋa kam maa zɩgɩ Baal-Gad na wʋ Liban bolo kʋm nɩ tɩn, sɩ kʋ yi Pi-kʋrʋ kʋm na wʋ Seyiri seeni tɩn. Zozwe dɛɛn ma kwe tɩga kam kʋntʋ maama o pɔɔrɩ pɔɔrɩ o pa Yisɩrayɛlɩ tiinə bam sɩ ba taa te. 8 Mɛ o na pɔɔrɩ o pa-ba tɩn wǝli dɩ zwəənu tɩm laŋa kam, dɩdaanɩ wa-zʋʋrɩ seeni bwəəlu tɩm. Ka daa maa kwe Zʋrdɛn bolo kʋm dɩdaanɩ laŋa kam kʋntʋ maama, sɩ kʋ taa ve kagʋa kam na wʋ jagwiə seeni tɩn. Nɔɔna balʋ dɛɛn na zʋʋrɩ tɩɩnɩ dɩm kʋntʋ maama wʋnɩ tɩn yɩ Hɛtɩ tiinə, dɩ Amɔɔrɩ tiinə, dɩ Kaanan tiinə, dɩ Perezi tiinə, dɩ Hevi tiinə, dɩdaanɩ Yebusi tiinə bam mʋ.
9 Pwa balʋ na zʋʋrɩ Zʋrdɛn bugə kam wa-zʋʋrɩ seeni yɩ Yisɩrayɛlɩ tiinə bam wanɩ-ba tɩn maa yɩ:
Zeriko tɩʋ Pɛ, Ayi tɩʋ Pɛ (Ayi bwələ dɩ Betɛlɩ), 10 Zeruzalɛm tɩʋ Pɛ, Ebrɔn tɩʋ Pɛ, 11 Yarmuti tɩʋ Pɛ, Lakisi tɩʋ Pɛ, 12 Egilon tɩʋ Pɛ, Gezɛrɩ tɩʋ Pɛ, 13 Debiri tɩʋ Pɛ, Gedɩra tɩʋ Pɛ, 14 Horama tɩʋ Pɛ, Arada tɩʋ Pɛ, 15 Libina tɩʋ Pɛ, Adulamɩ tɩʋ Pɛ, 16 Makeda tɩʋ Pɛ, Betɛlɩ tɩʋ Pɛ, 17 Tapua tɩʋ Pɛ, Hefɛrɩ tɩʋ Pɛ, 18 Afɛkɩ tɩʋ Pɛ, Lasaron tɩʋ Pɛ, 19 Madon tɩʋ Pɛ, Hazora tɩʋ Pɛ, 20 Simiron-Meron tɩʋ Pɛ, Akesafɩ tɩʋ Pɛ, 21 Taanakɩ tɩʋ Pɛ, Megido tɩʋ Pɛ, 22 Kedɛsɩ tɩʋ Pɛ, Yokenɩam na wʋ Karmɛlɩ nɩ tɩn tɩʋ Pɛ, 23 Dora na wʋ Nafɔtɩ-Dora nɩ tɩn tɩʋ Pɛ, Goyimi na wʋ Giligalɩ nɩ tɩn tɩʋ Pɛ, 24 Tirisa tɩʋ Pɛ.
Pwa bam maama na wǝli daanɩ, ba yɩ pwa fiintɔ-dɩdʋa (31) mʋ.