Izra
Izra
Lami dida
Graf a lu ta mndu ta vindaftá na ɗelewer na wa. Ama ka lu ta ndanay ná, vindaf vinda lu ta ɗelewer Izra ma 440 ma kɗaku lu yatá Yesu. Gwaɗa ma na ɗelewer na ná, kɗaŋ kɗa ta gwaɗay daga ma vli sladaghu gwaɗa ma ɗelewera rusa.
Mamu dzva Lazglafta ma inda skwi ta magaku ma ɗelewera Izra. Maga maga Lazglafta mantsa ya ŋa hɗamtá skwiha ya mnaf tsi nda ma wa Anabi Irmiya.
Wya skwiha ta magaku:
1. Guyata ghəŋa la Yahuda taŋtaŋ ta nzakway ta haɗika ga vuʼa ta vragapta daga ma Babila manda ya mnaf mgham Kures ŋa Fasiya.
2. Ka bəglaftá lu ta həga Lazglafta, ka fata lu ŋa Lazglafta, ka ləglaghu lu da tsəlɓu ŋa Lazglafta ma Ursalima.
3. Tahula luta vakuha, ka vragaghutá sanlaha ma ghuɓa la Yahuda da Ursalima mista ga mghama Izra.
Izra ná, sana mndu ya ta snutá tagha skwa Musa. Tsatsi ta kataŋtá mnduha ŋa payglanata taŋ ta nzakwa taŋ ma dina ŋa ɗekɗek, kabga ŋa nghapta taŋ ka skwa za həga taŋ, tsaya dzratá wa Lazglafta nda ndiʼatá vgha ni nda la Israʼila.
Dagata skwiha mida
Taŋtaŋa vragapta ma haɗika ga vuʼa 1:1–2:70
Bəglafta ka fatá həga Lazglafta ŋa Yawe 3:1–6:22
Vragaghuta Izra kawadaga nda sanlaha ma haɗika ga vuʼa 7:1–10:44