Nəhemiya
Nəhemiya
Lami dida
Graf a lu ta mndu ta vindaftá ɗelewera Nəhemiya wa. Ka skwa turtuk ta dzaʼa ɗelewera Izra nda ɗelewera Nəhemiya. Ma ngha ɗelewera Defteri nda ghuɓa ya vindaf lu nda gwaɗa la Hebru ná, ɗelewera Izra nda ɗelewera Nəhemiya ná ɗelewera turtuk ya.
Klata ghəŋa na ɗelewer na ná, tsaya mnaŋtá waɗa ta ghəŋa ya ka Yawe maraŋtá zɗakwa ni ma hlagapta ni ta la Israʼila ma haɗika ga vuʼa ka hladamta həŋ da Ursalima, nda ya ka lu bəglaftá matsaka tsa luwa ya. Maraŋ mara na ɗelewer na guli ya ka lu vlaŋtá mbraku ta la Israʼila ŋa nzakwa taŋ nda zɗaku ma ksa slna nda tagha skwa Musa.
Wya ka skwiha maguta ma ɗelewera Nəhemiya:
1. Vra Nəhemiya da Ursalima manda ya mna zlaha mghama Fasiya kabga tsatsi ta ga mgham nda təv ghuɓa la Yahuda.
2. Bəglaftá matsaka Ursalima.
3. Ŋərma dzaŋa tagha skwa Musa nda ya ká mnduha manigiŋtá dmakuha taŋ.
4. Pɗakwa slnaha Nəhemiya ma nzatá nzakwa ni ta ga mgham ta ghəŋa la Yahuda.
Dagata skwiha mida
Vraghata Nəhemiya nda Ursalima 1:1–2:20
Vrəglanafta baftá matsaka Ursalima 3:1–7:72
Dzaŋaftá tagha skwa Musa, ka vrəglanafta lu ta dzratá wi 8:1–10:39
Pɗakwa slnaha Nəhemiya 11:1–13:31