1 Samuyel
Lami dida
Graf a lu ta mndu ta vindaftá na ɗelewer na wa. Ama ta maray vəl psa gwaɗa ta ghəŋa ni kazlay na, tahula maguta na skwiha vindam lu ma na ɗelewer na snavata tsa mndu ta vindafta ya kəʼa. Taŋtaŋ ɗelewera Samuyel ná, gwagwaf gwagwa ta rusa ta ghəŋa mbaɗa mghamha ta pala daga ta gwal tsa guma ha ka labi ta mghamha, ka rusa ta ghəŋa la Israʼila ta mnay. Hkən mnduha snava hga taŋ, gwal ta skalaŋtá bɗaŋay ta tsa gwaɗa ta mbəɗa mghamha ya. Tsa mnduha ya ná, tsaya: Samuyel kwanaha gwal kulaŋ lu ta tsa guma ma Israʼila, Sawulu taŋtaŋa mghama la Israʼila, nda Dawuda ta dzatá Guliyat mnda la Filisti ya, ka nzakw tsi ka mgham guli tahula mtuta Sawulu ya.
Gwagwaf gwagwa na ɗelewer na ta gwaɗa ta ká lu taha fa mgham ma Israʼila. Graf gra lu kazlay na Yawe ka ghəŋa ni mghama la Israʼila kəʼa, ama ka zbaŋtá mnduha ta vlaŋtá mgham ta həŋ. Ka zbanaftá Yawe ta mgham ta həŋ. Mghama skwi hadna ná, tsaya: Nda mgham tani, nda mnduha tani, nda gadghəl tani, nda pɗu tani, inda taŋ demdem mista guma Lazglafta həŋ, ka kwalaghu kwala həŋ ta ɗvuta (2:7-10).
Dagata skwiha mida
Yata Samuyel nda zlrafta ni ta nzakw ka anabi 1:1–7:17
Nzakwa Sawulu ka mgham 8:1–10:27
Taŋtaŋa vakwa gay Sawulu ta mghama ni 11:1–15:35
I Dawuda nda Sawulu 16:1–30:31
Rwatá i Sawulu nda zwana ni ka zgwana 31:1-13