Izra
Izra
Vlata mgham Kures ta tvi ŋa vra la Yahuda dzagha taŋ
1
1 Ma taŋtaŋa vakwa gay Kurets mghama Persiya ta mgham ta ghəŋa Babila, ka vlaŋtá Yawe ta mahizl ta tsa Kures mghama Persiya ya, ka mnaŋtá tsi baŋluwa, nda ya nda vindi, ma inda vli ta gə tsi ta mgham, kada hɗamta gwaɗa Yawe ta mnigiŋta nda ma wa anabi Irmiya. Kaʼa mnata mantsa: 2 « Wya skwi mna Kurets mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta mnihata kazlay: “Biɗifba ta həga ma Ursalima ta haɗika Yahuda” kaʼa. 3 Dər wa tsi mataba ghuni ta nzakway ka mndani, ka nza Lazglafta ni kawadaga nda tsi, ka ŋla tsi da Ursalima ta haɗika Yahuda da ba həga Yawe, Lazglafta Israʼila. Tsatsi Lazglafta ma Ursalima. 4 Ma inda vli ta nzaku pɗakwa sanlaha ma la Israʼila ya, ka kataŋta mnduha ma tsa vli ya ta gwal ta dzaʼa, nda kfura tsedi, nda dasu, nda sanlaha ma huzla, nda rini. Ka hladaghata həŋ ta mbəhuha nda kumaŋta ŋuɗufa taŋ, ŋa həga Lazglafta ta nzakway ma Ursalima, » kaʼa.Mbəhu ŋa la Yahuda ta vru
5 Mantsa tama, ka sliʼaftá maliha mataba mndəra la Yahuda, nda la Biŋyamiŋ, nda gwal ta dra skwi ma həga Lazglafta, nda la Levi, inda tsa gwal vlaŋ Lazglafta ta mahizl ŋa dzaʼa ba həga Yawe ma Ursalima ya. 6 Ka kataŋtá inda sləvdaha ta həŋ. Ka hladaghatá həŋ ta huzlaha tsaf lu nda kfura tsedi, nda dasu, nda sanlaha ma huzlaha, nda rini, nda huzlaha ta ɗiɗinuta, kul mbəɗ lu ta inda hamata mbəhuha nda kumaŋta ŋuɗufa taŋ.
7 Ka hligiŋtá mgham Kurets ta huzlaha si ma həga Yawe, si hlagaghu Nevuhadnetsar ma Ursalima ka pghamta ma həga lazglaftaha ni ya. 8 « Hligiŋ hla ka mbəɗanaftá ka ta Sesbatsar guvna la Yahuda, » ka Kurets mghama Persiya nda Mitredat mnda ŋanatá huzlaha. 9 Wya mbsaka tsa huzlaha ya: Hkən mbsak paraŋtaha ka dasu, dəmbuʼ paraŋtaha magaf lu nda kfura tsedi, hisambsak təmbay mida maŋaha,ª 10 hkən mbsak kliwtirha ka dasu, fwaɗ dərmək nda ghwaŋ, kliwtirha ɓərzləzla tsatsaf lu nda kfura tsedi, dəmbuʼ sanlaha ma huzlaha guli. 11 Gwagwata inda tsa huzlaha tsatsaf lu nda dasu, nda ya nda kfura tsedi ya ná, dəmbuʼ fwaɗ nda hutaf dərmək həŋ. Ta sliʼi tsa gwal si kasadagha lu da Babila ya, ka hlaftá Sesbatsar ta inda tsa huzlaha ya ka hlaghata da Ursalima.