कोलसि
कोलसितुरकुन लिहि कीता चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग साट (60) साल्दगा लिहि किय्वल जर्ग्ता.
मुके गोस्टि: किरिस्तुनोर कब्रियल आय्वल पव्लु, चोकोट्ना कबुडुन पचर कीततुन हिंदल जेल्दगा अर्सि मत्तोर. इद कोलसि नगुडे कहितुर लबड गुरुर सोन्जि, तमय बेय गियन वालिर आतपिनय तोह्चेर, किरिस्तुना चोकोट्ना कबुडुन बह्कि किय्ले, सूड्तेर. बहन इत्तेके, किरिस्तु बगवंतल आयोर अनि दुनियतुरकुन बचि किय्वल गिर आयोर इन्जेर करुस्तेर. अह्ने बगवंतन अनि माय्नलिर नड्डुम वेलेटिर दूतलिर आत्मता रूप्ने मंतेर. वूर्गटल किरिस्तु गिर वोरोर आंदुर. बगवंतन बरोबर तरिकते पार्तना-विंति किय्ले, दूतलिरा पूजा किय्वल, उपस्क पिय्वल अनि कहितङ दिवोस्क पिय्सि ताक्वल जुरत मंता इन्जेर गिर लबड तरिकते करुस्तेर इंवल समचार पव्लु करि कीतोर.
इव लबड बोदन बारेते करि कीनल, किरिस्तुनुर बक्तलिरकुन बर्पुर गियन मंता इन्जेर पव्लु इद चिटितगा लिहि कीतोर.
बगा बतल मंता
दंडोस्क 1:1-2
दनेवाद वेह्चेर पार्तना किय्वल 1:3-14
किरिसतुन डगुर बोरे सेलोर 1:15-23
चर्चितुर साटि पव्लु बोगे माता काया-कस्टम 1:24–2:5
किरिस्तु सते जिन्गनि सींतोर 2:6-23
पूना जिन्गनित साटि नियम्क 3:1-17
किरिस्तुना कुटुंबतुर मंवल तरिका 3:18–4:1
पार्तना कियना इन्जेर हक्लि किय्वल 4:2-6
आक्रितङ गोस्टिङ अनि दंडोस्क 4:7-18