पिलिपि
पिलिपितुरकुन लिहि कीता चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग साट (60) साल्दगा लिहि किय्वल जर्ग्ता.
मुके गोस्टि: इद पिलिपि नगुर मासिदोनिया येरियता मुके नगुर आसि मत्ता. बस्केते येसुनोर अपोस्तुल आय्वल पव्लु, चोकोट्ना कबुर अद पिलिपि नगुडे वेह्तोरो, अस्के अद येरियतगा मोदोल बक्तलिर तयर आतेर.
अहन लग-बग 10 साल्क आता पेजे, रोमतुर अदिकारिर पव्लुन पोरो आयोङ-सोनोङ अव कसुक वाट्सि, रोम नगुडे मंवल जेलतगा वोन वाटुस्तेर. अस्के पिलिपि नगुडुर बक्तलिर चंदा मीरि कीसि, एपपोर्दितुना केय्दे पव्लुनगा सारि कीतेर. ते वोन मल्सि, पिलिपितुर्गा सारि कीनेके, वोन सङा इद चिटि रोह्तोर. इदेनगा वूर सम्दिर येकि आसि, सुदुड-पांदे अनि आनंद्ने पिस्तेके, दुस्रुर वेलेटिर लोकुर पर्बुनगा बरोसा इरंतेर इन्जेर लिहि कीतोर. अनि उंडे येसुनुर बक्तलिर सम्दिर गिर पसि किय्वलिक बोदन बारेते अनि अव लबड बोदङ किय्वलिर बारेते दिहंते मंदना इन्जेर गिर सूचनङ लिहि कीतोर.
बगा बतल मंता
दंडोस्क 1:1-2
पव्लुना दनेवाद अनि पार्तना 1:3-11
किरिस्तुना कबुर पचर आता काड्कि, पव्लु आनंद येत्वल 1:12-26
किरिसतुन डगुर-पान तर्वलिर मोडि पिसट 1:27-30
किरिस्तु चुडुर-पान कीसि ताक्तपिनय मरट ताककट 2:1-11
किरिसतुन साटि सुकुकुन मोडि मिड्च्वल 2:12-18
पव्लु तिमोतिन रोह्वल 2:19-24
पव्लु एपपोर्दितुन रोह्वल 2:25-30
बगवंतल वोपनल मंवल जिन्गनि 3:1-11
जिन्गनिता आसतुन पूरि किय्ले वित्वल 3:12-21
मुने ताकना इन्जेर सूचना किय्वल 4:1-9
वूर सीता अद सम्दोतुन पिय्सि पव्लु दनेवाद वेह्वल 4:10-20
पव्लुना आक्रिता दंडोस 4:21-23