1वा तेसलोनिका
तेसलोनिकतुरकुन लिहि कीता मोदोडा चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग पनसनल ते पनस नालुङ (50–54) सालकुन नड्डुम लिहि किय्वल जर्ग्ता.
मुके गोस्टि: पव्लु तंवा चोकोट्ना कबुर वेह्वल रेंडवा यात्रा कीनेके, तेसलोनिका चहर्ते सोन्जि, वूरकुन अद कबुर वेह्तोर. ते वूर किरिस्तुनगा बरोसा इर्सि बक्तिते ताक्वल सुरु कीतेर. अदेन साटि वूरा बरोसतुन अनि बाव-बक्तितुन उंडे इचुर बडि किय्ले, अह्ने वूर हिंदल तनकुन लाग्ता आनंदुन तोह्ले, पव्लु इद चिटि लिहि कीतोर.
इद चिटितगा मंवल हर अद्यायतगा किरिस्तुना मल्सि वाय्वडुन बारेते वेह्चेर मंतोर. वोर पर्बु मल्सि वासि, तन्गा बरोसा इर्तुरकुन करुम कींतोर. अदेन साटि वोनुर बक्तलिर वोना वचन तीर सतेमुन पिय्सि ताक्सेर, आनंद येच्चेर आसते मंदना इन्जेर इद चिटितगा लिहि कीसि मंता.
बगा बतल मंता
तेसलोनिकतुर बक्तलिरा बरोसा 1:2-10
तेसलोनिकतगा पव्लु कीता सेवा 2:1-16
पव्लु तेसलोनिकतुर साटि जीवा किय्वल 2:17–3:13
बगवंतन आनंद सीनल ताकना 4:1-12
पर्बुना वाय्वडुन बारेते 4:13-18
पर्बुना वाय्वडुन साटि तयर मंट 5:1-11
आक्रितङ सूचनङ अनि दंडोस्क 5:12-28