2वा तेसलोनिका
तेसलोनिकतुरकुन लिहि कीता रेंडवा चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग पनस्नल्ते पनस नालुङ (50–54) सालकुन नड्डुम लिहि किय्वल जर्ग्ता.
मुके गोस्टि: मोदोडा चिटितगा लिहि कीता तीरे किरिस्तुना मल्सि वाय्वडुन बारेते पव्लु इद चिटितगा गिर लिहि कीतोर. इद चर्चितुर दुक्सङ बोगे माय्वल गट्कते, पर्बुना वाय्वल दिवोस वीड्सि सोत्ता इन्जेर दुस्रुर कहितुर वूरकुन परेसन कीतेर. अद दिवोस इत्तेके, पर्बु तोह्वल सोङ्ना दिवोस. अंटित तन्गा बरोसा इर्मकि वूरकुन सिक्सा कींतोर. इद दिवोसुन तेर मुने नायमुन पगा-दारल वाया लागर. किरिस्तुनोर पगा-दारल आय्वल वेरे दुनियतगा मंवलिरकुन पसि किय्ले वांतोर. अदेन साटि किरिस्तुनगा बरोसा इर्वलिर मिरट वेरिवक्ने, सतेमुन पिय्सि ताक्सेर पिसना इन्जेर पव्लु इद चिटि लिहि कीतोर.
बगा बतल मंता
दंडोस वेह्वल 1:1-2
किरिस्तु मल्सि वाता पेजे बगवंतल तस्वा किय्वल 1:3-12
बगड-नियत्ने ताक्वल मायनल 2:1-12
मिरट बचे माय्ले नेमे मातुर आंदिट 2:13-17
पार्तना कीम्ट इन्जेर पव्लु कोर्वल 3:1-5
गह्लल गुंतुन बारेते दम्कि सिय्वल 3:6-15
आक्रिता दंडोस 3:16-18