2वा कोरंति
कोरंतितुरकुन लिहि कीता रेंडवा चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग पनस येडुङ (57) साल्दगा लिहि किय्वल जर्ग्ता.
मुके गोस्टि: किरिस्तुनोर अपोस्तुल आय्वल पव्लु कोरंति चर्चितुरकुन मोदोडा चिटितगा लिहि कीतङ अड्चंद्के आय्वा, उंडे उंदि कटिंता अड्चंद वासि मंता. अद बतल इत्तेके, कहितुर लबड बोदा गुरुर अगा वासि, ‘पव्लु करल अपोस्तुल आयोर अनि वोर वेह्वल बोदा गिर बरोबर आयो’ इन्जेर अगटुर्गटल कहितुरकुन वोपुस्तेर. इद तीर्दे, वूर पव्लु वाड्ता बुनदितुन हालि किय्वल सुरु कीतेर.
अदेन साटि पव्लु कोरंतितुर बक्तलिरा पाय्दत साटि तंवकुन बातल अदिकार मंता इंवडुन वेह्तोर. इद कारंतुन हिंदले दुस्रोक चिटिनल तेर इद चिटितगा तंवा बारेते अनि तंवा सेवतुन बारेते, वेले लिहि कीतोर. तंवा अनुबव, तंवङ उदेस्क, तक्लिब्क अनि दुक्सन पोडि कीसि वेह्तोर. इदेनगा ‘किरिस्तुना करल सेवा बहन मंदना?’ अनि ‘बगवंतनुर सेव्कलिर इन्जेर वेह्वलिर बहन मंदना?’ इंवलिक गोस्टिन बारेते गिर लिहि कीतोर.
बगा बतल मंता
दंडोस्क 1:1-2
बगवंतन पव्लु दनेवाद वेह्वल 1:3-11
पव्लु तंवङ मारितङ अव पिलनकुन बारेते कारन वेह्वल 1:12–2:4
उल्टा आतोन मापि किय्वडुन बारेते 2:5-11
पूना नियम्नुर सेव्कलिर बारेते 2:12–3:6
पूना नियम्ना मय्मतुन बारेते 3:7-18
पव्लु किय्वल बगवंतना सेवतुन बारेते 4:1-15
मह्गा बरोसा मत्ता काड्कि पिसि मंतोम 4:16–5:10
किरिसतुन हिंदल बगवंतन सङा लागि-बागिते मंवल 5:11–6:2
मावा जिन्गनिय बगवंतनुर सेव्कलिर इन्जेर तोहंता 6:3-13
जीवा वाले बगवंतना करल मंदिर मरटे आंदट 6:14–7:1
पव्लुना आनंदुन बारेते 7:2–7:16
बर्पुर मंदे सिय्वडुन बारेते 8:1-15
तीतु अनि वोना सेवतुन बारेता गोस्टि 8:16–9:15
तंवा सेवतुन बारेते पव्लु कारन वेह्वल 10:1-18
पव्लु अनि वोन उल्टा निल्वलिर बारेते 11:1-15
पव्लु तंवङ तक्लिबकुन पिय्सि पोके माय्वल 11:16-33
पव्लुन दर्सन्क दिस्वल 12:1-10
कोरंतितुर बारेते पव्लु पिकर किय्वल 12:11-18
आक्रितङ दम्किङ अनि सूचनङ 12:19–13:10
दंडोस वेह्वल 13:11-14