1वा कोरंति
कोरंतितुरकुन लिहि कीता मोदोडा चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग पनस सारुङ (56) साल्दगा लिहि किय्वल जर्ग्ता.
मुके गोस्टि: किरिस्तुनोर अपोस्तुल आय्वल पव्लुन हिंदल, कोरंति नगुडुर कहितुर येसुनगा बरोसा इर्सि, मीरे माय्वल सुरु कीतेर. ते वीर बक्तलिर नड्डुम आयोङ-सोनोङ अव नियम्क, आदत्क अनि तीर-तीर्दङ पाप्क नेङ्तङ. वूर नड्डुम बेद-बाव्क अनि बक्तलिरङ पाल्टिङ तयर आतङ. इव सम्दो गल्ति तरिकन अनि बगवंतना नियमुन उल्टा मंवलिकुन सुद्रि कियना इन्जेरेन इद चिटि पव्लु लिहि कीतोर.
अगटुर येसुनुर बक्तलिर बरोबर ताक्वा काड्कि, तनकुन दुक्सा लाग्सेर मंता इन्जेर वूरकुन दम्कि सीतोर. वूर बहन पवित्रा जिन्गनि कियनयो वूरकुन हेतु वानल लिहि कीतोर. इद चिटितगा बगवंतना पेर्मतुन पोडि कीसि वेह्चेर, बद बेय चोकोट्ना सरि इंवडुन बारेते उजगिरि तोह्तोर.
बगा बतल मंता
वोड्कि अरुस्वल गोस्टि 1:1-3
येसु किरिस्तुनगा पुट्वलिक वरम्क 1:4-9
बक्तलिरङ पाल्टिङ 1:10-17
बगवंतना सक्ति अनि गियन किरिस्तुय आंदुर 1:18-31
मोद्नगा टाङे मासि जीवा सीतोर वोर किरिस्तुना कबुर 2:1-5
बगवंतल सिय्वल तेलिवि-गियन 2:6-16
मीरे मासि काम किय्वल 3:1-9
बगवंतना रोतुन किरिस्तु इंवल उंदिय बुनदि मंता 3:10-23
किरिस्तुनुर सेव्कलिर 4:1-21
पीर किय्वल पाप चर्चितुरकुन नासेडम कींता 5:1-13
बक्तलिर तम्वा नड्डुम मंवलिक लोलिना तस्वा किय्वल 6:1-11
मीवङ मेंदोलकुन बगवंतन मय्मा तर्ले वाप्रि कीम्ट 6:12-20
मर्मिन साटि नियम्क 7:1-16
बगवंतल मीकुन बारि केय्तोरो, तान साटि पिसट 7:17-24
मर्मिङ आय्ले मंवलिरा अनि रांडे वेय्लोक्ना गोस्टि 7:25-40
पेन्क्नङ मूर्तिनगा अर्पना कीता अदेन तिंवडुन बारेते 8:1-13
पव्लु तंवा मोक्डो-पांदुन सुटि किय्वल 9:1-27
इज्रयेल लोकुरा चरित्रतल करिवलिक दम्किङ 10:1-13
मूर्तिना पूजनल लङ मंदना 10:14-22
बगवंतन बस्केट डगुर-पान सियना 10:23–11:1
वेय्लोक तम्वा तलदुन मुच्वल बारेते 11:2-16
पर्बुना सुदुड कार्यतुन बारेतङ सूचनङ 11:17-34
तंवा बक्ति किय्वलिरकुन बगवंतल सिय्वलिक वरम्क 12:1-11
उंदि मेंदोडगा वेले बागल्क मंतङ 12:12-31
सम्दोनल पेर्मा बेय चोकोट्ना आंद 13:1-13
दुस्रोक बासङ अनि बगवंतल वेहा इततुन वेह्वलिक वरम्क 14:1-19
चर्चितुर बक्तलिरकुन सूचना किय्वल 14:20-25
पार्तना-विंति किय्वल तरिका 14:26-40
येसुना नेंड्वडुन बारेता गोस्टि 15:1-11
सातुर वूर नेंड्वडुन बारेते 15:12-34
नेंड्सि वाय्वल मेंदोल 15:35-58
येरुसलेम्नुर पर्बुनुर बक्तलिर साटि चंदा 16:1-4
पव्लुना यात्रता पिलन 16:5-18
आक्रितङ दंडोस्क 16:19-24