रोमा
रोमतुरकुन लिहि कीता चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग पनस आट (58) साल्दगा लिहि किय्वल जर्ग्ता.
मुके गोस्टि: रोमा नगुडे मंवलिर बक्तलिरकुन पव्लु तंवा बारेते वोड्कि अरुसेर, तना वेह्ता बोदतुन बारेते पोडि कीसि लिहि कीतोर. अगा यूदुल्क्ना जातितुर बक्तलिर्गटल तेर यूदुल्क आयुर वूर बक्तलिर वेलेटिर मत्तेर. वीर बक्तलिरकुन बगवंतल मोसेना केय्दे सीता दर्मता कानुंतुन बारेते टावा सेल्वा काड्कि, अदेन पिय्सि ताक्वेके सोंदिर. अदेन साटि यूदुल्क्ना जातितुर बक्तलिर वीरकुन वोप्वेके सोंदिर. इव रंड गुरुप्नुर बक्तलिर वोरोन पोरो वोरोर तस्वा किय्वल सुरु कीतेर. इद गोस्टितुन बारेते पव्लु इगे लिहि कीतोर.
यूदुल्क्ना जातितुर अनि यूदुल्क आयुर वूर मरट सम्दिर गिर पापेस्तलिरे आंदट. बगवंतना नदुडे नियत्नुर आय्वल सिरिप येसु किरिस्तुनगा बर्पुर बरोसा इर्वडुन हिंदले जर्गंता. अचोरे बति, दुस्रोक बवे काम्क किय्वडुन हिंदल नियत्नुर आया पर्वट. इद चिटिता आक्रि बागम्नगा, मरट मावङ जिन्गनिङ बर्पुर बगवंतना सेवा किय्ले सिया लागर. बक्तलिर वोरोन वोरोर तप्वक पेर्मते सूडना बति, तस्वा किय्वा. अदे तीर्दे, वोरोर तंवा बरोबर्तोर बक्तल किरिस्तुना बक्तितल बह्के मानल ताक्वा. इहिन सम्दिर बक्तलिर पिस्तेके, सांति-आनंद पुटंता इन्जेर सूचनङ लिहि कीतोर.
बगा बतल मंता
चिटितुन सुरु किय्वल अनि वेह्वलिक मुके गोस्टिङ 1:1-17
पर्जा सम्दिर पापेस्तलिर आंदिर 1:18–3:20
बगवंतल पर्जतुन बचि किय्वल सरि 3:21–4:25
पूना जिन्गनि 5:1–8:39
बगवंतल इज्रयेल देस्नुर सङा बतल कीसेर मंतोर? 9:1–11:36
बरोसा इर्वलिर बहन पिसना 12:1–15:13
पव्लु बविसत्ने बतल कियना इंतोर अनि चिटितङ आक्रितङ गोस्टिङ 15:14–16:27