गलति
गलतियतुरकुन लिहि कीता चिटि
इद चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग चालिस आट साल्कनल ते पनस सियुङ (48–55) सालकुन नड्डुम लिहि किय्वल जर्ग्ता.
मुके गोस्टि: पव्लु रेंडवा यात्रतगा चोकोट्ना कबुर वेह्चि, गलतिया येरियतगा येसुनुर बक्तलिरङ गुरुपकुन मीरि किय्वल सुरु कीतोर. अहन सुरु कीता पेजे, येसुनुर बक्तलिर इन्जेर वेह्वलिर यूदुल्क्नगटल कहितुर लबड बक्तलिर अद येरियतङ चहर्क्नगा वातेर. अनि वूर अद चोकोट्ना कबुडुन कला-गुला किय्ले कोसिद कीतेर. बहन इत्तेके, बचे माय्ले अनि मुक्ति पुट्ले, सिरिप किरिस्तुनगा बरोसा इर्वल अनि बगवंतना पेर्मता-दया येव्वो बति, अद पुटना इत्तेके, मोसेना कानुंतगा मंवलिक सम्दो गिर पिय्सि ताकना इन्जेर, लबड बोदा वेह्तेर. बति पव्लु, सिरिप बगवंतना पेर्मता-दयतुन हिंदल अद मुक्ति पुटंता इन्जेर दर्यम्ने वेह्तोर. ईतङ वेले गोस्टिङ इद चिटितगा लिहि कीसि मंतङ.
बगा बतल मंता
पव्लु दंडोस वेह्वल 1:1-5
सिरिप उंदिय चोकोट्ना कबुर मंता 1:6-10
पव्लु वेह्वल चोकोट्ना कबुर किरिस्तुनल वाता 1:11-24
अपोस्तुल्क पव्लुन वोप्वल 2:1-10
पेतुरु कीता गल्तितुन पव्लु सुद्रि किय्वल 2:11-21
बरोसतुन हिंदल नियत्नुर आंतट 3:1-14
बगवंतना वाग्दंतुन पेजेटल वाता नियम पासि वाटो 3:15-22
बरोसतुन हिंदल बगवंतनुर मरि-मियड आंतट 3:23–4:7
सक्ति सेलेङ अव पेन्क्नेके मल्मट 4:8-20
किरिस्तुनगा बरोसा इर्वलिर कानुंता अदिकारदुन बूड सेलुर 4:21–5:1
तोल कत्रि कियना इंवल आगम्ना कार्या 5:2-12
बगवंतना आत्मा वेह्ता तीर पेर्मते ताक्वल 5:13-24
वोरोना वोरोर सेवा कीकट 5:25–6:10
पव्लु आक्रिता सूचना सिय्वल 6:11-18