बोयज्ना पोलम्नगा रूतु सर्वा पेर्वल
2
1 नयोमिनोर माड्सो येलिमेलेक्ना कांदांतोर डगुर दनेवंतल पालेवांडल मत्तोर.
वोना पोरोल बोयजु.
2 नयोमिन सङा मोयब्ना रूतु, “नाकुन पोलम्क्नगा सर्वा पेर्ले सोंदा सीम आति.
* पोलम्क्नगा पंटा कोयुस्वल कारोबारि बोरे नाकुन सर्वा पेर्ले वोपनुर्ते, अगा सर्वा पेर्का” इन्जेर पूसि कीता.
अस्के नयोमि, “ना कोर्यडि सोन” इन्जेर वोप्ता.
3 ते रूतु उंदि पोलम्नगा सोन्जि, अगा मंवल कारोबारिन “इद पोलम्नगा सर्वा पेर्कय?”
इन्जेर पूसि कीता. अनि बूय्तलिर कोय्नेके सुटि कीततुन पेजेय पेजेय पेर्सेर मत्ता. तना पेर्सेर मंवल पोलम येलिमेलेक्ना कांदांतोर बोयज इंवल चुटम्ना आंद इंवल तान टावा सेले मत्ता.
4 बोयजु बेत्लेहमनल पोलम्नगा वासि, बूय्तलिर सङा, “बगवंतल मी तोडो मनिर” इत्तोर.
ते वूर मल्सि “बगवंतल नीकुन आसिर्वाद सियिर” इत्तेर.
5 अस्के
बोयज रूतुन सूड्वल
6 ते वोर कारोबारि, “नयोमिन सङा वाता, अद मोयब देस्ना डिया आंद.
7 ‘बूय्तलिर पेजेय सर्वा पेरा सीम’ इन्जेर नाकुन पूसि कीता.
ते ‘पेरा’ इन्जेर वेह्तोन.
ते सकेडल्ते इंके वेरि, पेर्सेरेन मंता.
बति गट्कमेन मात्रम गुड्सेतगा सोन्जि आरम येच्चि वाता” इन्जेर बोयजुन वेह्तोर.
बोयजु रूतुन पोरो दया तोह्वल
8 अस्के बोयजु रूतुन सङा, “बायि ना गोस्टि केन्जा, इद ना पोलमुन सुटि कीसि, दुस्रोना पोलम्नगा सोन्मा.
इगेन नावङ बूय्तेकुन करुम सर्वा पेर्सेर मन.
9 वूर बूय्तलिर बगते पंटा कोय्सेर मंदंतेरो, वूर पेजेयेन सर्वा पेर्सेर मन.
वूर डियुरकुन बोरे नीकुन नोयुस्वा इन्जेर हुकुम सीतोन.
नीकुन येर वट्का वस्तेके, बूय्तलिर चेंदि कीसि इर्तङ बुड्डिनगा सोन्जि, येर उन” इन्जेर वेह्तोर.
10-11 अस्के रूतु बोयजुन पोरो वेले मांदे मुर-टोङ्रङ कोट्सि बूड सूड्सेर, “ननते दुस्रो देस्नोना आंदुन.
बति ना बारेते बतल करि कीसि, ना पोरो दया तोह्चेर मंति?”
इन्जेर गुल आसि, बोयजुन पूसि कीता.
ते बोयजु, “नी माड्सो मार्ता पेजे, निमे नीवा पोरडुन कीता चाकोरतुन बारेते नाकुन सम्दो वोड्कि आता. निमे नीवा कुटुंबतुन अनि नीवा देसुन सुटि कीसि, इदेन मुने वोड्कि सेले मत्तेर वूर पर्जतगा पिस्ले वाति.
12 बगवंतल निमे कीता अदेन मल्सि आसिर्वाद्ना पंडि सीनुर.
इज्रयेल्क्नोर बगवंतनङ मारेलकुन बूड वोल्सि बचे माय्ले वाति.
वोरे नीकुन डगुर इनम सीनुर” इन्जेर वेह्तोर.
13 ते रूतु, “माल्का, नन नीवङ बूय्तेक्नगा उंदिता आय्वेक गिर ना पोरो दया तोह्चि, ना सङा चोकोटे वड्क्ति.
नीवा दया ना पोरो मनि” इन्जेर इत्ता.
बोयजु दुपरिता नेह्लि तिंले रूतुन केय्वल
14 दुपरिता येलते, “निमे इगे वासि, इचुर सारि येच्चि कुसिडे तिन” इन्जेर बोयज तान सङा वेह्तोर.
रूतुन तिंले बोयज पोहेङ सिय्वल
अस्के बोयजु तान पोहेङ सीतोर.
ते तिंदनच्चोर तिन्जि इचुङ्सि मेयुस्ता.
15 अनि सर्वा पेर्ले तेत्ता.
अस्के बोयज बूय्तलिर सङा, “रूतुन सडिन करुम गिरे पेरा सीम्टु.
बोरे तान आपुस्मट.
16 सर्वा पेरनल तान साटि मुटिनगटल इचुक इचुक तुह्चेर सोंट.
तान बोरे राङ सिय्मट” इन्जेर बूय्तलिरकुन हुकुम सीतोर.
बोयजुन बारेते नयोमि केन्ज्वल
17 ते रूतु नुल्पे वेरि अद पोलम्नगन वन्जिना सर्वा पेर्ता अनि अवेन कोह्क्ता.
ते अव लगे उंदि बीव्डमेन आतङ.
18 अव वन्जिङ पिय्सि, रूतु बेत्लेहम चहर्ते मंवल रोन वाता.
अस्के आतिहरे नयोमि सूड्ता.
ते तना पेटिमेन तिनेके मेयुसि तत्तङ अव पोहेङ आतिहरेन सीता.
सर्वा पेर्तङ गोह्क रूतु नयोमिनगा तर्वल
19 अस्के आतिहरे, “नेंड निमे बगा काम कीति?
बोना पोलम्नगा सर्वा पेर्ति?”
इन्जेर पूसि कीता. “नी पोरो दया तोह्वन बगवंतल आसिर्वाद सियिर” इन्जेर इत्ता. ते रूतु, “अद पोलम्नोर माल्कना पोरोल बोयजु बेरे” इन्जेर वेह्ता.
20 अस्के नयोमि, “वोर बोयज माकुन करुम्नोरे पालेवांडल आंदुर.
पिसि मत्तुर्क अनि सातुर्क गिर वोर मदत कीसेर मंतोर.
माकुन गिर चोकोट-वायुट सूड्वलिर्गटल वोरोर आंदुर.
वोर दया वाले माय्नन बगवंतल आसिर्वाद सियिर.” इन्जेर कोर्यडुन सङा वेह्ता.
21 अस्के रूतु, “अचोरे आय्वा, ना सङा ‘तंवा पंटा सम्दो कोय्सि मारनल वेरि तंवुर काम किय्वलिर बरोबर सर्वा पेर्ले वरा’ इन्जेर वेह्तोर” इत्ता.
22 ते नयोमि, “ना कोर्यडि, वोनङे बूय्तेकुन करुम सर्वा पेर्सेर मन.
दुस्रोना पोलम्नगा सोन्मा.
उंदि मोका दाकिते बोरे नीकुन तक्लिब सीनिर” इन्जेर कोर्यडुन वेह्ता.
23 ते रूतु वन्जिना पंटा कोय्वल कालमनल ते गोह्क्ना पंटा कोय्सि मारनल वेरि, बोयज्नङ बूय्तेकुन सङा सर्वा पेर्सेर आतिहरेना रोन पिसेर मत्ता.