एस्तेर
इद पुस्तकुन बारेता गोस्टि
एस्तेर: एस्तेर इंवल गोस्टि पर्सिया बासता आंदु. इदेना अर्तम “सुकुम”.
लिहि कीता साल: लग-बग किरिस्तु पुट्वक मनेके 486–465 सालकुन नड्डुम इद पुस्तक लिहि किय्वल जर्ग्ता.
मुके गोस्टि: इज्रयेल देस्नगा मंवलिर यूदुल्क्ना जातितुरकुन पर्सिया देस्नोर महा राजल तंवा देस्नगा दासि-पान किय्ले वोसि मत्तोर. मोर्देकय अनि वोना काकना मियड एस्तेर गिर अहन सोत्तुरे आंदिर. बगवंतल तना नेमि कीतुर पर्जतुन बचि किय्ले, एस्तेरतुन रानि कीसि कचुरि उपुसीतोर. अद गट्कते अगा मंवल तंवा जातितुर पोरो बेय डगुर गंडम वासि अर्ता. अद बतल इत्तेके, राज्नगा मंवलिर सम्दिर यूदुलकुन जक्सि मूरि कियना.
ते इद गंडमनल बचि किय्ले बहन एस्तेर रानिन बगवंतल वाप्रि कीतोर अनि तंवा पर्जतुन मूरि कीका इंवन बतल जर्गुसीतोर इंवल मंता. इद पुस्तक्नगा बगवंतल इंवल गोस्टि असले वाडकम किय्मकि. बति तंवुर बक्तलिर पोरो मंवल वोना पिलंतुन करि किया वचो. इद पुस्तक वाचि किय्वनि निमे गिर नीवा जिन्गनित रोपो बगवंतना बातल उदेस मंता इंवल करि कीकि इन्जेर कोर्सेर मंतोम.
बगा बतल मंता
राजल दावत सिय्वल 1:1-9
वस्ति रानि तंवा रानिपांदुन सोडुस्वल 1:10-22
एस्तेर रानि आय्वल 2:1-23
यूदुलकुन मूरि कियन साटि हामन 3:1-15
मदत कीम इन्जेर एस्तेरतुन 4:1-17
महा राजन तोडो एस्तेर वड्क्वल 5:1-8
हामन, मोर्देकयदुन जक्ले सूड्वल 5:9-14
मोर्देकयदुन, राजल डगुर-पान 6:1-14
हामंतुन सर्पासता सिक्सा वाट्वल 7:1-10
यूदुलकुन राजल मदत किय्वल 8:1-17
यूदुल्क मेय्वल 9:1-17
पूरिम इंवल सड 9:18-32
मोर्देकय्दा पोरोल बडे माय्वल 10:1-3