येहोसुवा
इद पुस्तकुन बारेता गोस्टि
लिहि कीतोना पोरोल: येहोसुवल. इद पुस्तक्नगा आक्रितङ नालुङ वचनकुन इत्तेके 24:29-33 सुटि कीसि, पूरो पुस्तक बगवंतनोर बक्तल आय्वल येहोसुवल लिहि कीतोर. येहोसुवा इत्तेके येहोवा बगवंतल बचि कींतोर सेलेके, येहोवा बगवंतल मेयुसंतोर इन्जेर अर्तम.
लिहि कीता साल: लग-बग किरिस्तु पुट्वक मनेके 1406 साल्क्नगा कनान देसुन आगुटि कीता पेजे इद पुस्तक लिहि कीतोर.
मुके गोस्टि: तोले येहोवा बगवंतल बेय चोकोट्ना पंडि सिय्वल बोमि वाले कनान देसुन सींतोन इन्जेर इज्रयेल पर्जतुर मोदोडुर तादुर-बाबुरकुन वाग्दन सीतोर. इद वाग्दंतुन पूरि किय्ले मोसेन अनि येहोसुवन बद तीर्दे वाप्रि कीसि अद देसुन आगुटि किय्ले बगवंतल मदत कीतोर अनि वोर बगवंतल तना सीता गोस्टितुन तप्वल आयोर इन्जेर बहन निरुपन कीतोर इंवल इदेनगा मंता.
वोर बगवंतल अद कनान देस्नगा मंवलिक सम्दो जातिनुरकुन जक्सि मूरि कियना इत्तेके, वूरकुन तंवा साटि अद तीर्दे अलग कियना इन्जेर वेह्तोर. बारितेके वूर कलि गडि कीतोर वोर बगवंतन सुटि कीसि, कलितगा मंवलिक वसतुन पेन्क इन्जेर सेवा कींदिर. तम्वुर मरि-मियडुन अव पेन्क्नगा बलिदान सींदिर. लन्जे काम्क वेले कींदिर. वीर ईतुर लोकुर सङा तंवा पर्जा मीरे मातेके वूर गिर करब आंतेर इंवल करि कीसि, अहन कियुस्तोर. अनि तना वाग्दन सीता बोमितुन ईसङ कियुसि तूसि सियुस्तोर इंवडुन बारेते इद पुस्तक्नगा मंता.
बगा बतल मंता
येहोसुवन नेमि किय्वल अनि योर्दन लविडुन आपुस्वल 1:1–5:15
येहोवा बगवंतल पर्जतुन ताकुस्ले येहोसुवन नेमि किय्वल 1:1-9
येहोसुवल तंवा कार्यता तयरि किय्वल 1:10-18
येरिको नगुडे कब्रियलिरकुन मक्डिते रोह्वल 2:1-24
इज्रयेल पर्जा योर्दन लविडुन वीड्वल 3:1-17
इज्रयेल पर्जा हेतु इर्ले वाड्ता बंडना कुप्पा 4:1-24
माय्नलिर सुनति कियुस्वल 5:2-8
गिल्गालतगा पस्का सड तुङ्वल 5:9-12
बगवंतनुर सिपायिरोर कमंडर दिस्वल 5:13-15
येरिको नगुडुन अनि काल्वडा बाज्नङ नगुकुन आगुटि किय्वल 6:1–10:43
येरिको नगुडुन आगुटि किय्वल 6:1-27
आकान पाप किय्वल 7:1-26
हायि नगुर नासेडम आय्वल 8:1-23
लडेयतुन बारेते सोन्च किय्वल 8:24-29
दर्मा-ग्रंत वाचि कीसि पर्जतुन केन्जुस्वल 8:30-35
गिबियोंतुर इज्रयेल्तुर सङा लबड वेह्वल 9:1-27
पोड्द अनि नेलेन्ज मेलिवक्ने निल्सि मत्ता दिनम 10:1-28
काल्वडा बाज्नङ येरियन मेय्वल 10:29-43
तलवडा बाज्नङ येरियन मेय्वल अनि ईसङ तूस्वल 11:1–21:45
तलवडा बाज्नङ येरियन मेय्वल 11:1-15
इज्रयेल पर्जा इंके वेरि लडेय कीसि मेय्तङ अवेन बारेते 11:16-23
योर्दन लविडुन सिडयिङ बाज मंवलिर राजलिर हारे माय्वल 12:1-24
ईसते येत्वल बोमि उंडे वेलेन मेय्सि मंवल 13:1-8
योर्दन लविडुन सिडयिङ बाज्ना बोमितुन ईसङ किय्वल 13:9-13
लेविना कांदांतुरकुन बदे ईसा पुट्मकि 13:14
रूबेंता कांदांतुरकुन पुट्ता अद ईसा 13:15-23
गादुना कांदांतुरकुन पुट्ता अद ईसा 13:24-28
मनसेना कांदांतुर्गटल अर्दो पिला कांदांतुरकुन पुट्ता अद ईसा 13:29-33
योर्दन लविडुन पोरयिङ बाज्ना बोमितुन तूसि सिय्वल 14:1-5
कालेब तंवा ईसतुन कोर्वल 14:6-15
यूदा कांदांतुरकुन पुट्ता अद ईसा 15:1-12
कालेब्ना ईसते वाता बोमि 15:13-19
यूदा कांदांतुरङ नगुक 15:20-63
योसेप्ना संतांदुरकुन पुट्ता अद ईसा 16:1-4
येप्रायिम्ना कांदांतुरकुन पुट्ता अद ईसा 16:5-10
मनसेना कांदांतुर्गटल अर्दो पिला कांदांतुरकुन पुट्ता अद ईसा 17:1-18
मेय्ता बोमितुन ईसङ किय्वल 18:1-10
बेंयमींता कांदांतुरकुन पुट्ता अद ईसा 18:11-20
बेंयमींता कांदांतुरकुन ईसते वातङ अव नगुक 18:21-28
सिम्योंता कांदांतुरकुन पुट्ता अद ईसा 19:1-9
जेबुलुंता कांदांतुरकुन पुट्ता अद ईसा 19:10-16
इसकर्ता कांदांतुरकुन पुट्ता अद ईसा 19:17-23
आसेर्ता कांदांतुरकुन पुट्ता अद ईसा 19:24-31
नप्तालिना कांदांतुरकुन पुट्ता अद ईसा 19:32-39
दानुना कांदांतुरकुन पुट्ता अद ईसा 19:40-48
येहोसुवना ईसते वाता अद बोमि 19:49-51
जीवतुन दकुस्ले सोन्जि मंवलिक नगुक 20:1-9
लेवि कांदांतुरकुन सीतङ नगुक 21:1-45
सिडयिङ बाज्नुर मल्सि सोंवल अनि पर्जतुन आक्रिता बोदा वेह्वल 22:1–24:33
सिडयिङ बाज मंवलिर तम्वा बोमितगा मल्सि सोंवल 22:1-9
बलिदान सिय्वल बोव्लता नक्सा दोह्वल 22:10-34
येहोसुवल इज्रयेल पर्जतुन आक्रितङ गोस्टिङ वेह्वल 23:1-16
येहोसुवनङ आक्रितङ गोस्टिङ 24:1-28
वाग्दन सीता देसेम्नगा माति जतुन आतुर वूर पेर्सुर लोकुर 24:29-33