Ɨkalata ɨja kwanda ɨja
Peteli
Ɨmhola ɨndongosi
Ɨkalata ɨjɨ alyalembile ʉPeteli, ʉmʼbʉlanɨsɨvua ghwa Yesu Kɨlɨsite. Alyavalembiile avɨtɨki vano valyale mʉ ɨɨsi jɨno mʉ fighono ifi jitambʉlua Vʉtuluki. Ʉvʉfumbue vwake vwale vwa kʉvakangasia avɨtɨki avuo, ʉlwakʉva valyale vipumusivua vwɨmɨla ʉlwɨtɨko lwave mwa Yesu Kɨlɨsite. Ɨkʉvakʉmbʉsia kuuti, ʉYesu Kɨlɨsite alyapumusivue fiijo pa ɨɨsi apa. Voope avɨtɨki vipumusivwagha. Nambe vaave mʉ mhumuko nyinga, imhumuko isio sikʉvapelelagha kuuva ni ngʉfu. ɄNgʉlʉve ɨkʉvafunyagha mʉ mhumuko isio. Ɨkʉvakangasyagha kuuti vajighaghe nʉ lʉveelo ʉlʉnono ndavʉle lʉnoghiile kʉ vaanhu va Ngʉlʉve.