Ɨkalata ɨja
Yakovo
Ɨmhola ɨndongosi
Ɨkalata ɨjɨ jɨlyalembilue nʉ Yakovo, ʉnnuuna ghwa Yesu Kɨlɨsite. ɄYakovo alyale mʉlongosi ghwa kɨpʉgha kya vɨtɨki kʉ Yelusalemu. Alyavalembiile avɨtɨki vano vapalasiine kuhʉma kʉ Yelusalemu kulʉta mʉ makaaja aghange na mʉ ɨɨsi isingi.
ɄYakovo mʉ kalata ɨjɨ ɨkʉvavʉʉla avɨtɨki kuuti, ʉlwɨtɨko lwave mwa Kɨlɨsite lulondua kuvoneka mʉ maghendele ghaave na mʉ lʉveelo lwave ʉlʉnofu. Kange, ɨkʉvavʉlanɨsia kuuti valʉlemaghe ʉlughinio, ɨkɨvini, ʉvʉnoghelua, ingelo na kukwamʉlana fivi. Kange, ikwoleka ʉvʉnono ʉvwa kuuva vagholofu, vanya lujisio, vaanhu va kufuunya, vanya kuguda na kukulolelela mʉ masio ghaave ghano vijova.