Ʉlʉtalamu ʉlwa kʉlʉleka ʉlwɨtɨko
6
Lɨno,
tʉleke pijigha mʉ mbʉlanɨsio isa Yesu Kɨlɨsite,
sino tʉlyamanyiile kʉvʉtengʉlɨlo,
ʉlwene tʉghimbaghe kumanyɨla imbʉlanɨsio sino sikʉtʉkangasia mʉ lwɨtɨko.
Kange,
tʉlekaghe kujigha mʉ mbʉlanɨsio isa kʉlaata amaghendele amaviivi ghano ghipelela ʉvʉfue,
nambe imbʉlanɨsio isa kʉmwɨtɨka ʉNgʉlʉve,
2 nambe isa lwofugho,
nambe isa kʉvavɨkɨla avaanhu amavoko,
nambe isa lʉsyʉko ʉlwa vafue ni mbʉlanɨsio isa vʉhɨghi ʉvwa kʉvʉsila kʉsila.
3 Looli ʉNgʉlʉve angakeele,
tuvʉlanɨsyagha imbʉlanɨsio isa kʉkangala mʉ lwɨtɨko.
4 Asi,
ndepoonu luuva ndaani kʉ vaanhu vano vakagwile ʉvwakyangʼhaani na kuvonja ɨkɨpelua ɨkya kʉkyanya,
neke vagalʉke?
Ndepoonu luuva ndaani kʉ vaanhu vano valɨ vʉhangɨlanɨsi nʉ Mhepo ʉMwɨmɨke,
neke vagalʉke?
5 Ndepoonu luuva ndaani kʉ vaanhu vano vavonjile ʉvʉnono vwa lɨsio lya Ngʉlʉve,
na kukagʉla ingʉfu sa Ngʉlʉve mʉ ɨɨsi jɨno jikwisa,
neke vagalʉke?
6 Avaanhu avuo viiva vikʉnkomelela ʉMwana ghwa Ngʉlʉve pa kɨkovekano ʉlwa vʉvɨlɨ na kʉkʉnsʉsia pa vaanhu.
Mʉ ʉluo avaanhu avuo nʉngavatange valaate kange.
7 Ɨlɨhanga lɨno jitonyela ɨfula,
na kumesia ifiinu ifya kʉvatanga vano vilɨma,
ʉNgʉlʉve ɨkʉlɨfuunya ɨlɨhanga ɨlio.
8 Neke ɨlɨhanga lɨngamesie amifua na mabɨgɨlɨ,
lɨsila lʉvʉmbʉlɨlo,
liiva mʉ lʉtalamu ʉlwa kʉghunua.
Ʉvʉsililo vwake,
linyanyua.
9 Vanyalʉkolo vango vaghanɨke,
nambe nɨvalembiile isio,
nɨkagwile kuuti muvomba inofu sino sihʉfia kuuti mʉlɨ mʉ vʉpoki.
10 ɄNgʉlʉve ghwa kyangʼhaani,
naangasyemue ɨmbombo jiinu,
nʉ lʉghano lwinu lʉno mʉhʉfisie mwa Kɨlɨsite kʉkʉvatanga avɨmɨke kuhʉma ʉlʉtasi na vʉle mʉjiighe mʉkʉvatanga.
11 Nilonda fiijo kuuti ʉmue mweni mʉfighimbaghe kuvomba ʉluo kuhanga kufika kʉvʉsililo,
kuuti sino muhʉvɨɨla,
sivombeke vʉnofu.
12 Nanilonda mʉvisaghe voolo,
looli mwɨghaghe avaanhu vano vwɨmɨla ʉlwɨtɨko nʉ lugudo lwave,
vikwʉpɨla sino ʉNgʉlʉve alyavalaghile.
ɄNgʉlʉve sino alaghile ivomba
13 Mʼbʉkʉʉlʉ,
ʉNgʉlʉve ye alaghile kʉkʉmfuunya ʉAbulahamu,
alyajɨghile mʉ lɨtavua lyake jʉjuo,
ʉlwakʉva nakwealyale ʉmʼbaha kukila ʉmwene.
14 Alyajɨghile akati,
“Kyangʼhaani nɨkʉkʉfuunya,
avaanhu ava kɨsina kyako viiva vinga.”a
15 ɄAbulahamu alyaghuliile nʉ lugudo kuhanga akʉpɨla sino ʉNgʉlʉve alyamʉlaghile.
16 Avaanhu pano vijɨɨgha,
vitambʉla ʉmʼbaha kukila aveene kuvonia kuuti,
sino sijovilue sa kyangʼhaani,
ʉluo lumala ʉlʉkaani.
17 Ghwope ʉNgʉlʉve alyajɨghile kuhʉfia vano avalaghile kuuti,
sino alaghile,
ivomba kyangʼhaani.
18 ɄNgʉlʉve angalaghe na kujɨɨgha,
ivomba lweli,
ʉlwakʉva naijova vʉdesi.
Ʉmwene alyavombile ifio fivɨlɨ,
kulagha na kujɨɨgha,
kuuti ʉsue twe vano tʉkʉmʼbɨngɨlɨla,
tʉkangasɨvue kugadɨlɨla ʉlʉhʉvɨɨlo lʉno alyatʉlaghile.
19 Ʉlʉhʉvɨɨlo ʉluo lukangasia amoojo ghiitu ndavʉle ɨnanga vʉle jɨkangasia ɨngalavab kukwɨma vʉnono.
Ʉlʉhʉvɨɨlo ʉluo ghwe Yesu,
ikwingila Pavwɨmɨke pa Pavwɨmɨke,
kwekʉti pamaaso gha Ngʉlʉve.
20 ɄYesu alongwile kukwingila apuo mʉlwa kʉtʉtanga ʉsue.
Ʉmwene ghwe ntekesi mʼbaha ghwa masiki ghooni ndavʉle alyale ʉMelekisedeki.