Ɨkalata ɨja Paulo kwa
Filimoni
Ɨmhola ɨndongosi
ɄPaulo alyalembile ɨkalata ɨjɨ kwa mwɨtɨki jʉmonga ʉmmofu, jʉno akatambʉlwagha Filimoni. ɄFilimoni alyale nʉ nkami jʉmonga, akatambʉlwagha Onesimo. ɄOnesimo ʉjuo alyadyeghile kwa Filimoni. ɄPaulo ye alɨ mʉ ndinde, akantanga kuuva mwɨtɨki. Pe akavisagha nʉ Paulo ye alɨ mʉ ndinde. Pepano ʉPaulo ilemba ɨkalata ɨjɨ kʉkʉnʼgomosia kwa Filimoni. Mʉ vʉtwa ʉvwa Kɨlooma ʉmuunhu akɨtɨkɨsɨvwagha kʉkʉmʼbuda ʉnkami ghwake jʉno adyeghile. Lɨno, ʉPaulo ɨkʉnsʉʉma ʉFilimoni ansaghɨle ʉnkami ghwake ʉOnesimo. Ɨkʉmʼbʉʉla kuuti amwʉpɨle hwene nyalʉkolo mwa Kɨlɨsite.