Ɨkalata ɨja Paulo kwa
Tiito
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyamʉlembiile ʉTiito. ɄTiito ʉjuo alyale Mʉyunaani jʉno alyamwɨtiike ʉYesu Kɨlɨsite. Akavisagha nʉ Paulo kupʉlɨsia ɨMhola ɨNofu. Pambele ʉPaulo akansuungʼha kulongosia ifipʉgha ifya vɨtɨki mʉ ɨɨsi ɨja Kilete.
Mʉ kalata ɨjɨ, ʉPaulo ɨkʉmʼbʉʉla ʉTiito kuuti avasalʉle avaanhu vano valɨ nʉ lʉveelo ʉlʉnofu kulongosia ifipʉgha ifya vɨtɨki. Avavʉlaghe vʉle vilondua kuvʉlanɨsia ifipʉgha ifya vaanhu mʉ kɨpʉgha ɨkya vɨtɨki, ndavʉle avakɨnhaata avagoyo, avakɨjʉʉva avagoyo, avasoleka na vakami. Kʉvʉsililo ɨkʉnkʉmbʉsia ʉTiito kuuti, avɨtɨki vooni vavisaghe nʉ lʉtengaano, kange vavisaghe vakoola. Navangavisaghe valʉgʉ nambe kuuva nʉ lʉkaani, kange navangabaghʉlanaghe.