Ɨkalata ɨja kwanda ɨja Paulo kʉ
Vakolinto
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyavalembiile avɨtɨki ava mʉ lɨkaaja ɨlya Kolinto. Ɨlɨkaaja ɨlio lɨlyale lɨtambʉlɨke mʉ ɨɨsi ɨja Vʉgiliki. ɄPaulo alyapʉlisie ɨlɨsio lya Ngʉlʉve mʉ lɨkaaja ɨlio ʉmwaka ghʉmo na meesi ndaghalɨngi (Mbombo sa Vasungʼhua 18:1-18). Avaanhu vinga valyamwɨtiike ʉYesu. Neke ʉPaulo ye avʉkile kʉ Kolinto, avɨtɨki vakatengʉla kubaghʉlana mʉ lwɨtɨko. Pepano ʉPaulo akalemba ɨkalata ɨjɨ kʉkʉvatanga avɨtɨki vala, kuuti vasindamale vʉnofu mʉ lwɨtɨko.
Mʉ kalata ɨjɨ, ijova ʉvʉviivi ʉvwa kʉbaghʉlana avɨtɨki na kukanɨngʼhana vwɨmɨla ʉlwɨtɨko mʉ kɨpʉgha kyave. Ijova vʉle ʉMhepo ʉMwɨmɨke ɨkʉtʉpeela ifipelua finga, kyongo ndavʉle ʉlʉghano lʉno lupelela kʉkʉmwɨmɨka vʉnono ʉNgʉlʉve na kuuva nʉ lʉveelo ʉlʉnofu mʉ lwɨtɨko. Kange, ɨkʉvakʉmbʉsia kuuti, ʉlwakʉva ʉKɨlɨsite alyasyʉkile kuhʉma kʉ vafue, na jʉsue ilikʉtʉsyʉsia tʉʉve vʉʉmi kange.