Ɨkalata ɨja Paulo kʉ
Valooma
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyavalembiile avɨtɨki ava mʉ lɨkaaja ɨlya Looma. Alyale ɨkʉvoleka kuuti ɨMhola ɨNofu ɨja Yesu Kɨlɨsite jivonia vʉle ʉNgʉlʉve ɨkʉvavalɨla ʉvʉgholofu avaanhu va ɨɨsi sooni vwɨmɨla ʉlwɨtɨko. Kʉ Vayahudi avɨtɨki, ɨkʉvoleka kuuti ɨMhola ɨjɨ mwejɨlɨ mwope mʉ lʉfingo ʉlʉkʉʉlʉ. Kʉ vano naVayahudi ɨkʉvahʉfia kuuti ɨMhola ɨjio jɨkʉvasambania nʉ Ngʉlʉve na kʉkʉvavɨɨka kuuva vaanhu vaake. Ikwoleka kuuti, ʉNgʉlʉve naɨkʉtʉvalɨla ʉvʉgholofu vwɨmɨla kuvɨngɨlɨla indaghɨlo, looli vwɨmɨla ʉlwɨtɨko. Lɨno, nave tukwɨtɨka kulongosivua nʉ Mhepo ʉMwɨmɨke mʉ vwʉmi vwitu, apuo pe tukukalagha ndavʉle ilonda ʉNgʉlʉve.
Mʉ vʉsililo vwa kalata ɨjɨ ʉPaulo ijova vwɨmɨla avɨtɨki kuuva nʉ lʉveelo ʉlʉnono mʉ vwʉmi vwave. Ivʉlanɨsia kʉkʉvaghana avange. Kange, ɨkʉvahʉngɨla avamanyaani vaake vano valɨ kʉ Looma, ɨkʉmhʉngɨla jʉmo jʉmo mʉlwa kʉvatambʉla amatavua ghaave.