पीतोरांय लेखलों बीहरों कागलों
ईया कागलाअ बाबोताम बेन गोठ्या
“पीतोरांय लेखलों बीहरों कागलों” सोरुवाताअ सोमोयाअ बादाज ख्रीस्तींहन लेखाअयोंह। ईं कागलों लेखांअ खास कारोण ता, झुटों हीकवुअनाराहांअ सीकसोणुल आने तीया सीक्सोणुअ पोरीणामे ख्रीस्तींहम जे ओनुती फेलाअत्ली तीयुल ओटकावांअ आथों। जीयाहां सोतेज ईसु ख्रीस्तुल देख्योह आने जे तीयापेनेअ बोद उनाअयेंह, तीयाहां पोरमेहेराअ बाबोताम आने मालीख ईसु ख्रीस्तुअ बाबोताम देदलों खेरों गीयान मानीन चाले तांहांअज तीया ख्रीस्तींहन ईया सोवालुंअ उकेल मीली सेकेह। ‘ख्रीस्त फाचो आवनारोज नांह’ एंहकींअ आखावनारांअ झुटा बोदाअ बाबोताम पीतोर वादारे चींता केअहे। ख्रीस्त फाचो आवांअ वाअ लागवेह एंहकींअ जों देखाअहे, तीयाअ कारोण ता ईं हाय का, पोरमेहेराअ मोर्जी एंहडी हाय: “केडाअ बी आत्मीक नास नांय वेअ, पेन बादें मांहेंअ सोताअ पापाहांअ खातुर दुखी वीईन ते सोळी दे” (३:९)।
ईया कागलामेरीअ बाबोतीहींअ रुपरेखा
आगली गोठ १:१-२
ख्रीस्ती वेरांअ पोरमेहेर हादेह १:३-२१
झुटों हीकवुअनारा २:१-२२
ख्रीस्तुअ फाचा आवुलोंअ ३:१-१८