याकोबांय लेखलों कागलों
ईया कागलाअ बाबोताम बेन गोठ्या
ईं कागलों याकोबांय “जुदा-जुदा देसाहांम वेरगाय गेहला बादा ख्रीस्ती लोकाहांन” लेख्योंह। ईया कागलाम याकोबांय वेहवारुअ गोठ्या लेख्याह। ख्रीस्ती वोलोण आने चाल-चोलगोतीअ खातुर वेहवारुअ गीयान आने दोरवोणीअ बाबोताम हीकामोण्या दांअ खातुर तो भासाअ हारा-हारा सोब्दा वापरेह। ख्रीस्ती तोरीके तो जुदा-जुदा मुददांअ बाबोताम लेखेह। दाखला तोरीके, माल-मीलकोत आने गोरीबी, लालोच, हारी चाल-चोलगोत, भेदभाव, पोरमेहेरापेअ वीसवास आने हारें कामें, गोगांअ रीत, गीयानुवालें बोंणांअ बाबोत, ओभीमान आने गोरीबळो सोबाव, बीहराहांअ नीयाय केरांअ बाबोत, मोडया-मोडया गोठ्या केरांअ बाबोत, धीरोज राखांअ बाबोत, आने पोरमेहेराल ओरुज केरांअ बाबोत।
ख्रीस्ती जीवोनाम पोरमेहेरापेअ वीसवास बी राखांअ जोजे आने आरी-आरी हारें कामें बी केरांअ जोजे ए बाबोत, याकोब ईया कागलाम खास कीईन आखेह। काहाका, हारें कामें केरुलोंअ बी खास बाबोतुज हाय।
ईया कागलामेरीअ बाबोतीहींअ रुपरेखा
आगली गोठ १:१
वीसवास आने गीयान १:२-८
गोरीबी ने माल-मीलकोत १:९-११
पारखों ने लालोच १:१२-१८
पोरमेहेराअ गोठ उनायुलोंअ आने तीयु पोरमाणे चालुलोंअ १:१९-२७
भेदभावुअ वीरुद चेतवोंणी २:१-१३
वीसवास आने हारें कामें २:१४-२६
ख्रीस्ती मांहुंअ आने तीयाअ बोली ३:१-१८
ख्रीस्ती मांहुंअ आने दुन्याअरी तीयाअ दोस्ती ४:१-५:६
जुदया-जुदया हीकामोण्या ५:७-२०