हीबरु ख्रीस्तींहन लेखलों कागलों
1
आगली गोठ
1 जुना जोमानाम पोरमेहेर तीयाअ गोठ जाहेर केअनाराहां जों आखलों आने केअलों तीयाकींअ खुब वोखत आने खुब रीते आपुअ आगलाअ डायाहांअ री गोग्योह। 2 पेन ईया सेल्ला दीहाहांम तो सोताअ पोयराअ मारफोते आपुअरी गोग्योह। तीया पोयरालुज तीयांय जुग-तोरती बोंणावांअ आने बादी वोस्ताहांपेअ ओमोल चालवांअ नीम्यो। 3 तो पोयरो पोरमेहेराअ मोडाय देखावेह आने तो बादी रीते पोरमेहेराअ होचुज हाय। तो सोताअ हुकोमाअ ताकोताकींअ जुग-तोरतीपेअ ओमोल चालवेह। मांहांहांअ पापाहांअ डाग तुवी टाकीन हातींअ तो होरगाम खुब मोडायावाला पोरमेहेराअ हुदा आथाअ वेल उचाम-उचा होददापेअ बोठोह।
पोरमेहेराअ पोयराअ मोडाय
4 एंहकींअ कीईन तीया पोयराहां देखाव्योंह का, तो होरगाअ दुताहांअ केअता चोळीयातो हाय। आने तेंहकींअज “पोरमेहेराअ पोयरो” एंहकींअ पोरमेहेरांय तीयाल देदलों नांव बी “होरगाअ दुत” एंहकींअ पोरमेहेरांय तीयाहांन देदला नांवांअ केअता चोळीयातों हाय। तो बी होरगाअ दुताहांअ केअता चोळीयातो हाय। 5 काहाका, पोरमेहेरांय कीदीह बी सोताअ केल्ला बी होरगाअ दुताल एंहकींअ नांह आख्यों,
“तुं मांअ पोयरो हाय।
आज मांयुं बादाहांअ आगलांअ जाहेर केअयोंह का ‘आंय तोअ बाहको बोंण्योंह।’”
आने तीयांय एंहकींअ केल्ला बी होरगाअ दुताल नांह आख्यों,
“आंय तोअ बाहको बोंणेंह,
आने तुं मांअ पोयरो बोंणोह।” 6 जांहांअ पोरमेहेर तीयाअ खुब मानुवाला पोयरालa दुन्याम जोन्मो लांअ मोकलुअनारो आथो, तांहांअ तीयांय तीया पोयराअ बाबोताम एंहकींअ आख्यों, “होरगाअ दुत बादा तीयाअ भोकती केअ!”
7 आने होरगाअ दुताहांअ बाबोताम पोवीतोर लेखाणाहांम एंहकींअ लेखलों हाय का,
“पोरमेहेर तीयाअ सेवा केअनारा दुताहांन वाराअ होच,
“ओ पोरमेहेर, तुं कायोमाअ खातुर राज कीअहो
आने तुं तोअ राज्याअ लोकाहांपेअ नीयायी रीते ओमोल चालवोह।
9 आने हाचा कामुंहपेअ तुंयुं माया राखीह;
आने खोटा कामाहांन तुंयुं नोफरोत केअयीह;
तीयाअ लीदे पोरमेहेरांय, मोंजे, तोअ पोरमेहेरांय,
“ओ मालीख, तुंयुं बादों बोंणावलों तांहांअ तोरती बोंणावनारो तुंज आथो,
आने बीहरों बादों बी तुंयुंज बोंणावलों।
11 तों बादों ता नास वीअ जाय, पेन तुं ता कायोम रीहो।
तों बादों पोतळाहांअ होच जुनो वीअ जाय।
12 आने तुं तीयाल बादाल जुना पोतळाअ होच चोंअडावीन एक वेल थोवी दीहो।
हातींअ जुना पोतळाअ बोदलाम नोवो पोतळो बोदलाअहे तेंहकींअ
जुग-तोरतीमेर्योंअ बादों तुं बोदली टाकोह।
पेन तुं जेंहडो हाय एंहडोज रीहो,
“आंय तोअ दुसमोनाहांन पुरी रीते हारवीन तीयाहांन तोअ पागे नांय पोळावुं तांव,