फीलेमोनुल पावुलुंह लेखलों कागलों
ईया कागलाअ बाबोताम बेन गोठ्या
फीलेमोन एक खानदानी ख्रीस्ती आथो, आने तो कोलोसे मोंडोळाअ आथो। ओनेसीमु नांवांअ तीयाअ एक गुलाम आथो। कायक कारोणाअ लीदे, ओनेसीमु फीलेमोनुअहींनेअ नाही गेहलो। तांहांअ मालीखाअ खास चेलो पावुल जेलाम कोंडाअलो आथो आने ओनेसीमु तीयाअ ओअखात बोंणलो। पावुलुपनेअ हारी गोठ उनायन ओनेसीमु ख्रीस्ती वीसवासी बोंणलो। ईया कागलाम पावुल फीलेमोनुल कालावाला केअहे का, तो ओनेसीमुल फाचो राखी ले। तीयाअ लीदे, पावुल ओनेसीमुल फीलेमोनुअहीं फाचो मोकली देहे। पावुल फीलेमोनुल एंहडा कालावाला केअहे का, तो ओनेसीमुल एक गुलामु तोरीके ओतोअज नांय, पेन एक ख्रीस्ती पावुह तोरीके बी राखे।
ईया कागलामेरीअ बाबोतीहींअ रुपरेखा
आगली गोठ १-३
फीलेमोनुअ वोखाण ४-७
ओनेसीमुअ बाबोताम कालावाला ८-२२
सेल्या गोठ्या २३-२५