तीमोथील पावुलुंह लेखलों बीहरों कागलों
ईया कागलाअ बाबोताम बेन गोठ्या
तीमोथील पावुलुंह लेखला ईया बीहरा कागलाम, पावुल सोताअ आर्याअ ने मोदोत केअनारा जुवान तीमोथील खान्गी सालाह देहे। ईया कागलाअ खास मुददो दुखें वेठी लांअ बाबोताम हाय। पावुल तीमोथील एंहडी सालाह देहे: खातरीअ सेवोकु तोरीके ईसुअ बाबोताम गोठ्या आखता रांअ उफ देहे; हारी गोठीअ ने जुना कारारुअ बाबोताअ खेरों सीक्सोण जालवी राखांअ आखेह; आने बादी वेल दुख पाळनारें ने वीरुद केअनारें हाय तेबी, आत्मीक गुरु तोरीके ने हारी गोठ जाहेर केअनारा तोरीके, सोताअ फोरोज पुरी रीते पार पाळांअ आखेह।
पावुल तीमोथील खास कीईन चेतवेह का, “ओकली वोगुराअ ने खाली सोब्दांअ चारचांहम” तो नांय पोळे। काहाका, तीयुकींअ काय बी फायदो नांह वेअतो। उलटों, ते “उनाअनाराहांन नुकसानुंज वेअहे।”
ईयु बादी गोठीहींम पावुल तीमोथील सोताअ जीवोनाअ बाबोताम आने तीया जीवोनाअ ईरादाअ बाबोताम बी जांणावेह, आने तीयाअ हारा गुणुंअ पोरमाणे चालांअ आखेह। पावुलाअ ते हारा गुण ए आथा: ख्रीस्तुपेअ वीसवास, धीरोज, लोकाहांपेअ माया, मुस्कुल्या वेठी लांअ, आने सोतावोणीअ वोखत दुखें वेठुलोंअ।
ईया कागलामेरीअ बाबोतीहींअ रुपरेखा
आगली गोठ १:१-२
तीमोथीअ वोखाण ने तीयाल साबासी १:३-२:१३
सालाह ने चेतवोंणी २:१४-४:५
पावुलाअ सोताअ हालोत ४:६-१८
सेल्या गोठ्या ४:१९-२२