थेस्सालोनीका सेहेराअ मोंडोळाल पावुलाअ बीहरों कागलों
ईया कागलाअ बाबोताम बेन गोठ्या
ख्रीस्त फाचो आवांअ हाय तीया बाबोताम खोटी होमजोणुअ लीदे, थेस्सालोनीका मोंडोळाम भानगुळ वेअया केअत्ली। मोंडोळाअ थोळाक लोक एंहकींअ मानत्ला का, मालीखाअ आवांअ सोमोय आवीज गीयोह। तीयाअ लीदे, पावुल ईया कागलाम ईयु गुचवोणुअ उकेल लावेह। तीया लोकाहांअ होमजोणुम जे भुल आथी ते हुदारता तो आखेह का, ख्रीस्त फाचो आवे तीयाअ पेअलांअ, “पोरमेहेराअ वीरुद केअनारों मांहुंअ” पेदा वीअ, आने तीयाअ आगेवानीम मोलवाअलें कामें ने बीहरें खाराब कामें होदबार वादी जाय, आने तों मांहुंअ ख्रीस्तुअ वीरुद केअया कीअ।
पावुल तीयाहांन हारकींअ-हारकींअ आखेह का, मुसकुल्या ने दुखें हाय तेबी, दोरेक वीसवासीअ सोताअ वीसवासाम मोजबुत रांअ जोजे। आने जेंहकींअ पावुल ने तीयाअ आर्याअ काम केअता रेताह, तेंहकींअ दोरेक वीसवास्याअ काम केअता रांअ जोजे, आने बीहराहांअ भोलों केरांअ जोजे।
ईया कागलामेरीअ बाबोतीहींअ रुपरेखा
आगली गोठ १:१-२
वोखाण ने साबासी १:३-१२
मालीखाअ फाचा आवांअ बाबोताम सीकसोण २:१-१७
ख्रीस्ती चाल-चोलगोतींअ बाबोताम बोद ३:१-१५
सेल्या गोठ्या ३:१६-१८