3
Yo Pangangadal ni Juan Buatista
1 Sa ika-kinsing taon nyo pag-aadi' ni Tiberio Cesar, si Poncio Pilato yo gobernador nya Juda, si Herodes yo tetraka sa Galilea, yo sakanyang ipat'ngod na si Filepe amo man yo nipamayo sa Iturea ag Traconite, ag si Lisanias yo tetraka sa Abilinia. 2 Si Annas ag si Caipas man yo nipamayo sa nga'min na saserdote. Ag ki Juan na agin ni Zacarias ominabot yo sasabyun nin Dios kaso adto iya sa kalangtaran. 3 Kaya linibot niya yo bilog na teritoryo nin Jordan ag nangangadal manunungud sa pagpabunyag ag pagsuwsuw para sa kapatawaran nya manga ka'salan. 4 Arug nyo nasosorat sa libro ni propeta Isaias:
“Agko usad na boses na niuyaw adto sa kalangtaran,
Ipriparar ninyo ana da'wan nin Kagorangnan;
Togyoon ninyo ana aagyan niya.
5 Ta'bonan ana kada kali,
pantagun ana manga bokid ag bantuy,
ana siko'-siko' na tinampo togyoon,
ag ana lobak-lobak pakarayun.
6 Ag makikita nya nga'min na tawo ana pagsalbar na gigibwun nin Dios.”
7 Sinabi ni Juan adto sa manga tawong rominani sakanya tanganing magpabunyag, “Kamo na manga agin nin awas! Siisay sainyong nagpatanid tanganing makadulag sa niaboton na kapadosaan? 8 Ipakita ninyo sa gibo na kamo nagisuwsuw, ag di ninyo ipamoso' na kamo salbar na ta manga agin kamo ni Abraham. Pisabi ko sa sainyo pwiding gomibo ana Dios alin sa manga batong adi na maging manga agin ni Abraham. 9 Ngowan nakapwisto na ana parakol sa ogat nin kaoy. Ag ana kada poon nin kaoy na indi nagkakaagko nin maray na bonga pupuwdun saka iuumut sa kalayo.”
10 Dail sa narungug nira ominonga sira, “Kin bagaan ono palan ana maray namun na gibwun?" 11 Sominimbag si Juan. “Kin ana siisay man sainyo agko dowang bado itao niya ana usad sa uda, kin agko man kamo kaka'nun, irasan man ninyo yo uda.” 12 Yo manga parasingil nin bowis ominabot man tanganing magpabunyag. “Maestro,” onga nira, “Ono man ana dapat namun na gibwun?" 13 Sominimbag si Juan, “Di kamo maningil nin sobra sa dapat na singilun.” 14 Kina yo nagkapirang soldados nag-onga man sakanya, “Ag kami ono man ana sa'mun na gigib'wun?” Sominimbag si Juan, “Di kamo mangoko nin ono man kiisay man sa paagi nin pananakot ag sa salang pag-akosar makontinto na kamo sa sweldo ninyo.”
15 Nagi-adi' sa manga tawo yo dakuung paglaom sa niaboton na Mesias kaya pinagpara urup-urup nira na kin si Juan na yo Mesias. 16 Kaya sinabi ni Juan sa sakanda, “Pibunyagan ko kamo sa tobig, alagad agko usad na mas makapangyariyan kisa sa sa'kun na niaboton, na maski ana sintas nya sakanyang sandalyas di ako angay na mag-obad. Iya yo nibunyagun sainyo sa Espirito Santo ag kalayo. 17 Kaput niya yo pangagkag tanganing alinun yo nga'min na tuuk ag titiponon niya yo manga trigo sa sakanyang bodiga, piro yo manga ipa sosobsoban sa kalayong indi nasisigbo.
18 Ag sa dakul pang manga sasabyun si Juan nagtoro pa sa manga tawo ag ipinangadal yo maray na barita sa kanda. 19 Alagad kaso sawi'un ni Juan si Herodes na tetrarka ta sinambay yo sugud man sana nyo sakanyang ipat'ngod, ag sa nga'min pang mararaut na nagibo na niya, 20 ipinakarsil niya si Juan. Sa ginibo niyang adto narogangan pa yo sakanyang manga kasa'lan.
Binunyagan si Jesus
(Mt. 3:13-l7; Mc, 1:9-11)
21 Kaso mabunyagan na yo nga'min na manga tawo, si Jesus nagpabunyag man. Ag kaso iya nanganagadyi naboksan yo langit. 22 Ag yo Espirito Santo bominaba sakanya arug nya salampati. Ag agko usad na boses alin sa langit na sominabi, “Ika ana solo-solo kong agin na payaba kong maray, na sa'kun na kaogmaan.
Ana Ginikanan ni Jesus
(Mt. 1:1-17)
23 Nagpoon si Jesus sa sakanyang pangangadal kaso iya mag-tatrayenta anyos na. Sa pagtaud nyo manga tawo agin iya ni Jose,
Si Matat,
agin ni Levi. Na agin ni Melki.
Si Melki agin man ni Jana na agin ni Jose.
25 Si Jose agin ni Matatias na agin ni Amos.
Si Amos agin ni Nahum, na agin ni Elsi.
na agin ni Matatias. Si Matatias agin ni Semi,
na agin ni Josea. Si Josea agin ni Juda.
27 Na agin ni Juana. Si Juanan agin ni Resa,
na agin ni Zorobabel na agin ni Shealtel,
na agin ni Adi. Si Adi agin ni Cosam,
na agin ni Elmadam, na agin ni Er.
29 Si Er agin man ni Josue, na agin na Elezer,
na agin ni Jorem, na agin ni Matat,
na agin ni Juda. Si Juda agin ni Josenna,
na agin ni Jonam na agin man ni Eliakin.
31 Si Eliakim agin ni Melea, na agin ni Menna.
Si Menna, agin ni Matata, na agin ni Natan,
na agin ni Obed, na agin ni Boas.
Si Boas agin ni Salmon, na agin ni Naason.
33 Si Naason agin ni Aminadab, na agin ni Admin, na agin ni Arni.
Kina si Arni agin ni Hezron, na agin ni Perez,
na agin ni Isaac, na agin ni Abraham.
Si Abraham agin ni Tera na agin ni Nahor.
35 Si Nahor agin ni Serug, na agin ni Reu,
na agin ni Peleg, na agin ni Aber,
na agin ni Arphaxad. Si Arphaxad agin ni Sem,
na agin ni Noah. Si Noah agin ni Lamech,
37 na agin ni Metusalem na agin ni Enoc,
na agin ni Jared, na agin ni Mahalalel,
na agin ni Set na agin ni Adan,
na agin nin Dios.