ثابراتّ تامزواروت ن ـ ؤمازان يوحنّا
1
أوال ن تودرت
1 ونّا ئلّان ݣ ثيزويري، نّا مي نسلّا، نانّايث س والّن نّخ، ونّا نحقّا، ونّا نحادا س-ئيفاسن نّخ، نتّا أݣّان أوال ن تودرت.
2 تودرت-اد تبايند، نانّايت أراس نتشهاد، أراون نسوال خف تودرث ن وابدا، ئلّان غر باب نّخ أها ثبايناخد.
3 نّا ننّاي نسلّاياس، أر غيفس نتبرّاح، حما أتّيلي غورّون تامونت أݣّيدنخ، تامونت نّخ هاثين تلّا د بابانّخ د ممّيس عيسى لمسيح.
4 أراون نتّارو أياد حما أد ئشمل ؤفراح نّون.
دّويات ݣ ؤسيد
5 واد أيد ئݣان لخبار نّا مي نسلّا زݣ يسوع لمسيح أها أر كون ئس نتخبّار: هان ربّي ئݣا أَسِيد ؤر ديݣس تيلّاس قّاح.
6 مش ننّا: "هاثين تلّا غورّخ ئس توشركا، أر نتعيش ݣ تيلّاس، هاثين دا نسحيلّيل أها ؤر دا نتݣّا س لحق".
7 والاينّي مش دا نتدّو ݣ ؤسيد، ئيمش ئلّا نتّا ݣ ؤوسيد، هاثين تلّا غورخ تامونت ئنݣرات نّخ د ئدامن ن يسوع لمسيح، ممّيس، داخ سّيريدن زݣ دّنوب نّخ كول.
8 مش ننّا: "ؤر لّين ديݣنخ دّنوب، دا نتغشّا ئخفاون نّخ أها ؤر ديݣنخ ئلّي لحق".
9 والاينّي مش نقرّا س دّنوب نّخ، هان ربّي ئلّا ديݣس لامان أر ئحكّم س لحقّ، أراخ ئيتغفار دّنوب نّخ، أراخ ئتصفّا زݣ كول مايد ئݣان أينّا ؤر ئحلين.
10 مش ننّا: "ؤر ديݣنخ دّنوب هاثين نرورا ربّي دايسحيلّيل ئد أوال نّس ؤر ديݣنخ ئلّي".