ثابراتّ تيسّنات ن ـ ؤمازان يوحنّا
1
سلام
1 نكّ يوحنّا، أخاتار ن-ؤݣراو ن-ئمومن، دا تّاريخ تابرات-اد يي تمغارتa نّا ئختار ربّي، د واراو نّس نّا غوري ئعزّين ستيت، ؤر-ئد غاس نكّ أيدا تن ئتّيرين والاينّي أود ميدّن كول نّا ئتّيسين لحقّ،
2 ئدّخ لحقّ ئلّا ݣ-ؤلاون نّخ، أها ئدّا أد ييلي أݣّيدنخ دّيما.
3 دا تتّرخ يي ربّي ئبّاتنخ د سيدنا عيسى لمسيح نّا ئݣان ممّيس ن-ئبّاتنخ أد-اون ئوش نّعمت د رّحمت د لهنا، حما أن نضفار أبريد ن لحقّ د تايري.
لحقّ د تايري
4 فرحخ شيݣان لّيݣ ن-ؤفيخ ئتس زݣ ئشيرّان نّم دا تدّون ݣ-ؤبريد ن لحقّ، ئمشينّا ئوصّاخ ربّي ئبّاتنخ.
5 دغي، دا-م تتّرخ ألالّا، ئس-اخ ئخصّا نوكني ئمومن كول أد نمييري ئنݣراخ. أياد أم تّاريخ ؤر ئݣي لوصييت توجديت، والاينّي لوصييت-اد تلّا غورنخ زݣ تيزويري.
6 تايري نّا خف ساوالخ، لمعنا نّس، أد ندو ݣ-ؤبريد ن ربّي س لوصييات نّس. تاد س-ئخف نّس أيد ئݣان لوصييت نّا مي تسلّيم زݣ ؤمزوارو: ضفارات أبريد-اد ن تايري!
حضويات ئخفاون نّون زݣ وينّا ئتغرّان ميدّن
7 هاتين ݣّوتن ݣ دّونييت وينّا ئتغرّان ميدّن. ؤر دا تقرّان ئس ياغول سيدنا عيسى لمسيح ئݣا بنادم. ونّا ئتغرّان ميدّن أيد ئݣان ضدّ ن لمسيح.
8 ئوا رارات لبال يي ئخفاون نّون، ئمشيد ؤر تّاشكا لخدمت نّا خف نوّت تامارا، ماشان أت تامژم تيغراض نّون كول.
9 كول ونّا ئبعدن يي ؤسّلمد ن لمسيح أها ؤر ديكس يوميژ، هاتين ئبعد يي ربّي. ئد ونّا يومژن ݣ-ؤسّلمد نّس، هاتين دا ئتمّون د-ئبّاتنخ د ممّيس.
10 مش غورون ديدّا شا ن حدّ أها ييوياوند شا ؤسّلمد ياضن، أد-ؤر ئس ترحابات ݣ تيدّار نّون أها أد-ؤر غيفس تسلّامات،
11 علاحقّ ونّا ئدّان أد غيفس ئسلّم هاتين يامو أݣّيدس ݣ ݣار لافعايل نّس.
أوال أنݣّارو