ثابراتّ ويشّارض ن ـ ؤمازان يوحنّا
1
سلام
1 نكّ يوحنّا، أخاتار ن-ؤݣراو ن-ئمومن، دا تّاريخ تابرات-اد يي ؤما ئعزّين غايوس، نّا تّيريخ ستيت.
2 أوما ئعزّين، دا تتّرخ يي ربّي أت تيليد ݣ علا خير، أها تݣ صّاحت نّك لاباس ئمشينّا ئݣا ليمان نّك.
3 ستيتّ، فرحخ شيݣان لّيݣ د دّان ئتّس ن واوماتن زݣ غورك، نّانييي ئس دا تّيريد لحقّ أها أر تدّوت ݣ-ؤبريد نّس.
4 هاتين ؤر ئلّي شا ؤسكّين يي ئسفراحن ؤݣار، أدّاي سلّخ ئس دا تدّون واراو ئنو ݣ-ؤبريد ن لحقّ!
5 أوما ئعزّين، هاتين دا تسباياند ئس تݣيد لمعقول ݣ-ؤينّا تݣّاد كول يي أيتماتنخ ئمومن واخا ؤر دا تن تسّيند.
6 هاتنين سّيولن داد خف تايري نّك دات ن-ؤݣراو ن-ئمومن. عافاك عاونتن س-ؤينّا حدادجن يي سّفرت نّسن حما أت تݣد لعزّ يي ربّي،
7 علاحقّ، فّغن أد برّحن س لمسيح. أها عوّلن ؤر تّامژن والو زݣ وينّا ؤر دا ييسّ ئتّامن.
8 خف ؤياد، نكني ئمومن، ئخصّاخ أن نعاون ئرݣزن أم ويد، حما أد نامّو ݣ لخدمت نّا تݣّين يي لحقّ.
9 هاتين ؤريخ يوت ن تبرات يي ؤݣراو ن-ئمومن، والاينّي ديوتريفس، نّا ئتّيرين أد ئݣ أنبّاض نّسن، ؤر دا ئتقرّا س تنباطّ ئنو.
10 خف ؤياد، أدّاي ددّوخ غورون دّيخ أد فضحخ أينّا ئتݣّا: لا ئتّيني ئحلّالن د ݣار أوال غيفنخ. أياد كول ؤر-اس ئقادّا: ؤر دا ئترحاب س-أيتماتنخ ئمومن، ؤر دا ئتّادجا يي ميدّن ياضن أد ئسّن رحبن أها أر تن ئتژّع س دّرع زݣ-ؤݣراو ن-ئمومن.
11 أوما ئعزّين، أد ؤر تّاباع أينّا ؤر-ئحلين والاينّي تبع أينّا ئژيلن. هان ونّا ئتݣّين لخير وين ربّي أيد ئݣا د ونّا ئتݣّين لعار ؤر-ئسّين ربّي.
12 ئد ديمتريوس، ميدّن كول دا س تشاهادن س لخير، أر-اس ئتشاهاد أود لحقّ د نكني ألّو لا س نتشاهاد س ؤياد. أها تسّند ئس تصحا شّهات نّخ.
أوال أنݣّارو