4
طاعات ربّي
1 ماني زݣ تدّا ثيريت د-ئمنغان ئنݣراتون؟ ئس ؤر ئد زݣ شّهواث نّون نّا ئسكّارن ئمنغان ݣ دّات نّون؟
2 دا تّيريم ؤر دا تّامژم، أر تنقّام، أر تّحسادم، ؤر دا تّامژم أينّا ترام. دا تّناغام أر تسكّارم ئمنغي أها ؤر دا تّامژم شا، ئدّخ ؤر دا تتّرم زݣ ربّي.
3 أود مش تتّرم، ؤر دا تّامژم والو، ئدّخ دا تتّرم أينّا ؤر ئحلين حما أتصرفم خف ؤينّا ترام.
4 أييغضّار! ئس ؤر تسّينم ئد تايري ن دّونيت داتّݣّا لعداوث د ربّي؟ د ونّا ئران أد ئيݣ أمدّاكول ن دّونيت، دا ئتݣّا أعداو ن ربّي.
5 ماد ئس تغالم ئس دا يساوال لشتاب ن ربّي غاس س لباطّل، هات ئنّا: «رّوح لقدس نّاخ ئفا ربّي، ئراياخ أنيݣ وينس؟»
6 ماشان داخ ياكّا نّعمث ئعدّان، د ؤياد أخف دايتّيني لشتاب: «ربّي دايتّمّواث د وينّا ݣ ئلّا لكيبر، ئد وينّا ئتواضعن داسن ياكّا نّعمث».
7 ݣات لموراض ن ربّي. تضادّام إبليس حما أد ئيرول زيݣون.
8 قرباث غر ربّي حما أد غيرون ئقرّب. سّيرداث ئفاسن نّون، أوينا دا يتّعصون! زّيزدݣاث ؤولاون نّون، أوينّا غر لّان سين ئد رّاي!
9 حزناث، تسغويّم أها ثالاّم، أدجاث ثطصا نّون أتعايد أتݣ ئغويّان د ؤفراح نّون أد ئعايد لحزن.
10 تواضعاث داث ن ربّي حما أد ئسّون ئسّمغور.
11 ؤر ئساوال شا ݣ شا س-ؤينّا ؤر ئحلين، أيايثما. ئدخ ونّا ئسيولن خف ؤماس س-ؤينّا ؤر ئژيلن نغد أد غيفس ئحكم، هاثين دايساوال أر ئحكّم خف شّرع س لباطل. داي مش دا تحكمث خف شّرع، هاثين ؤر دا ييس تݣاث ماشان لا ئس ثحكمث.
12 ئلا غاس يون نتّا أيد ئزوݣزن شّرع د نتّا أداي ئحكمن، نتّا أݣ غين أد ئفوكّا أها ئخلّو. مايد ثمسث شݣ حما أتحكمث خف وادجار نّش؟
أد ؤر تعنّايات
13 دغي، سفلداتي أوينا دايتّينين: «أندو أسّا نغد أسكّا غر ثمدينث-اد نغد غر ثايض، أدّيكس نقّيم أسݣاس، أر نزّنزا أر نسّاغ أها نربح».
14 كوني ؤر تسّينم شا خف واس نّا ديدّان. ماتّا نتّاث تودرت نّون؟ كُنّي أم ئروݣّا نّا ئتضهارن شان شوي داي غابن.
15 خف ؤياد ئلازم أتّينيم: «مش ئرا ربّي، أنعيش أها نݣ أياد نغد أيين!»
16 دغي، كونّي ئلّا ديݣون لكيبر، أر تسنعاتم ئخفاون نّون د ؤياد ؤر ئحلي.
17 ونّا ئسّن أد ئيݣ لخير أها ؤر ثيݣي هاثين ئدنب.