4
رّاحت نّا خ-ئحبّل ربّي
1 ما حدّ ئسول ئلّا ؤقاول ن ربّي حما أنّاف رّاحت نّا خ-ئسّوجد. ئوا رارات لبال ؤر كون تزرّي لوقت ن-ؤكتشوم غورس!
2 هاتين نسلّ يي واوال ن ربّي أم لوالدين نّخ، والاينّي أوال نّا مي سلّين ؤر تن ئنفيع والو، ئدّخ ؤر-ؤمينن ئس.
3 ئد نكني نّا يومن ئسّ، دا نتّافا رّاحت نّا خ-ئسّوجد ربّي، ئد وينّا ؤر يومين ئنّا غيفسن: «ݣولّيخ ݣ لوقت ؤحراق ئنو: ؤر تّافان رّاحت ئنو». ئنّا ربّي أياد، مغار ئشمّل لخدمت نّس زݣّوس ئخلق دّونييت.
4 هان ربّي ئنّا ݣ لشتاب نّس خف واسّ ويسّ سبعا: «داي ئسݣنفو ربّي ݣ واسّ ويسّ سبعا زݣ لخدمت نّس كول».
5 أها ئنّا ربّي ألّو: «ؤر كشّمن غر تمازيرت نّاݣ-أسن سّوجدخ يي رّاحت».
6 هان ميدّن نّا ئسلّين يي واوال ن ربّي ݣ لوقت ن موسى، ؤر ؤفين رّاحت، علاحقّ عصان ربّي. ئوا ئباين ئس لّان شا ن ميدّن نّا ئغيين أد كشمن غر رّاحت-اد.
7 أياد أخف ئعيّن ربّي يون ن واسّ ياضن، ئنّا غيفس: «أسّ-اد». ئسّيول خف واسّ-اد فّير ن شيݣان ن-ئسݣاسن س-ئلس ن داود، ئمشينّا ئتّونا ياد: «مش تسلّيم يي واوال ن ربّي أسّ-اد، أد ؤر سغارات ؤلاون نّون».
8 علاحقّ، مور تن ئحري يشوع غر تمازيرت ن رّاحت، ؤر-ئدّي ربّي أد-ئسّيول فّير ن-ؤياد خف شا ن واسّ ياضن.
9 لمعنا ن-ؤياد، ئسول ألّو يون ن واسّ ن رّاحت يي ميدّن ن ربّي.
10 علاحقّ ونّا يوفان رّاحت نّا ئسّوجد ربّي، ئدا أد ئسݣونفا أود نتّا زݣ لخدمت نّس، ئمشينّا ئسݣونفا ربّي زݣ لخدمت نّس.
11 ئوا، ئخصّاخ أد نݣ لمجهود أد ناف رّاحت-اد أها ؤر نتّݣ أم وينّا ئمّوتن ݣ صحرا ئتخ عصان ربّي.
12 علاحقّ، أوال ن ربّي ئدّر أها ئعمّر س لجهد. ئشوا ؤݣار ن تفروت نّا ئشوان زݣ سين ن-ئديسان. دا ئكشّم جاج نّخ، دا ت ئتدّو أل أنسا ئبطون ئنݣر نّفس د رّوح دْ أم سّيفْ نّا ئبطّونْ لْمفَاصلْ دْ وَادِيفْ ن ئغصان، أر ئتّيسين أينّا ئرا وول د نّييت نّس.
13 ؤر ئلّي شا ن لمخلوق ئنتلن زݣ ربّي. كولشي ئعرّا أها ئضهر دات ن والّن نّس د نتّا أمي ندّا كول نّخ أد نوش لحساب.
عيسى أنمغور ن ئخاتارن ن دّين
14 ئوا ألّيݣ غورنخ أنمغور ن-ئخاتارن ن دّين، عيسى، ممّيس ن ربّي، نّا يولين غرئݣنوان، ئخصّا أد-ئصحو ؤقرّا نّخ ئسّ.
15 علاحقّ، غورنخ يون ؤنمغور ن-ئخاتارن ن دّين نّا ئغين أد-ئفرو لوحاليت نّخ. ئتّوجرّب أم نكني ݣ كولشي، والاينّي ؤر دجين ئݣي شا ن لمعصييت أبدا.
16 ئوا ئخصّاخ أد نزعيم أد نحادز غر لعرش ن ربّي، ماني ݣ تلّا نّعمت. حما أد نامژ رّحمت أها ناف نّعمت ن غا خ-ئعاون ݣ لوقت نّاݣ نحدادجا.