ثابراتّ ن ـ ؤمازان بولوس ئي فليمون
1
1 نكّ بولس، نّا ئݣان أحبّاس خف سّيبت ن-ؤبرّح س سيدنا عيسى لمسيح، د تيموتاوس، ؤماتنخ ݣ ليمان، دا نتسلام خف فليمون ئعزّين، نّا ئݣان أسمون نّخ ݣ لخدمت ن مولانا،
2 د ئمومن نّا ئتمّون ݣ تادّارت نّش د-ؤلماتنخ ݣ ليمان أبفية د أرخيبّوس أسمون نّخ نّا خ ئتعاوان س لجهد نّس كول.
3 أد-اون ئوش ربّي، ئبّاتنخ د مولانا عيسى لمسيح رّحمت د لهنا.
تايري د ليمان ن فليمون
4 أدّاي ك شتّيخ ݣ تژيلّا نو، أفيلمون، دا حمّدخ ربّي نو دّيما،
5 علاحقّ، دا تسلّاخ يي ميدّن دا سّاوالن خف ليمان نّش س مولانا عيسى د خف تايري نّش يي ئمومن كول.
6 هاتين نمون خف سّيبت ن ليمان نّخ. دا تتّرخ يي ربّي أد-اك ت تاوي تامونت-اد توسنا ئشمّل ن-ئسكّين غودانين كول نّا غورنخ ئلّان س لمسيح.
7 هان تايري نّش أوما دا يي تسفراح أر يي تسّزعيما مليح، علاحقّ تسنّيرسد ؤلاون ن-ئمومن.
بولس دا ئتتّر يي فليمون أد ئسامح يي أونسيموس
8 خف ؤياد، واخّا غوري لحق س لمسيح اك أمرخ أت تݣد أينّا ئخصّا أت تݣد،
9 ريخ أد-اك تّرخ ݣ وودم ن تايري، نكّين بولوس نّا ئخاترن ݣ لعمر، نّا ئلّان دغي ݣ لحبس خف سّيبت ن-ؤبرّح س سيدنا عيسى لمسيح.
10 داش تتّرخ خف أونسيموس، نّا ئݣان أم ممّي، ئدّخ نكّين أيد ت-ئرارن غر أبريد حما أد يامن س لمسيح لّيݣ لّيخ ݣ لحبس.
11 تيزويري، ؤر-اش ئصليح يي والو، والاينّي دغي ئلّا ديكس نّفعa نّك د وينو.
12 دغي، دّيخ أد-اس أمّرخ أد ياغول غورش، نتّا نّا ئݣان يون طّرف زݣ تاسا نو.
13 ريخ أت تين أمژخ أد يي ئعاون ݣ وانسا نّش، ماحد ݣيخ أحبّاس خف نّيرت ن-ؤبرّح س لينجيل،
14 والاينّي ؤر ريخ أد ݣخ شا ؤسكّين أر ش شاورخ، باش ؤر تݣّاد لخير س دّرع، ماشان ريخ أت ت تݣد س لخاضر.
15 واقيلا خف ؤياد ئبضا أونسيموس أݣّيدش شا ن لوقت ئدروسن، باش أد ئقّيم أݣّيدش أبدا.
16 علاحقّ دغي، ؤر ئقّيم ئݣا غاس ئسمغ، والاينّي ياغول ييف ئسمغ: أم ؤماش ئعزّين. هاتين ئعزّ غوري، ماشان شݣّين ئعزّ غورش ؤݣار، ئدّخ ئݣا زݣ أيت ؤخام نّش أها أر ئتّامن س مولانا أم شݣ.
17 خف-ؤياد، ݣ وودم ن تاݣمات نّا خ-ئسمون، رحب ئس عافاش أمي ئݣا أم نكّ.
18 داي مش-اش ئݣا شا ن لعار نغد دا س ت تّاباعد شا ؤرطّال، حاسب أينّا كول غيفي نكّ.
19 نكّين بولس، دغي، دا ش تّاريخ أياد س-ؤفوس ئنو: «دّيخ أد فروخ أمرواس نّا س ت تضفارد». هاتين ؤر ريخ أد-اش سكتيخ ئس-اش ضفارخ تودرت نّش (ئدّخ نݣين أيد ئݣّان سّباب حما أت تامنت س لمسيح).
20 يّيه، أوما، ݣييي لخير-اد خف ؤدم ن مولانا. سنّيرس ؤل ئنو ݣ-ؤدم ن لمسيح.
21 هاتين ئلّا غوري ليقين، لّيݣ أر-اش تّاريخ، ئس تدّيد أت تݣد أينّا ش تّرخ أها سّنخ ئس تدّيد ألّو أت تݣد ؤݣار.
22 ريخ زّيك يون ؤسكّين ياضن، أد يي تحبّلد يي يون ؤدغار أد ديكس قّيمخ، علاحقّ دا تترخ يي ربّي أد ئسلّ يي تژيلّا نّون حما أد-اغولخ غورون.
أمسافاض